Вы тут

Пастаянная экспедыцыя палярнікаў можа адправіцца ў Антарктыду ў 2019 годзе


У 2019 годзе ў Антарктыду можа адправіцца пастаянная экспедыцыя беларускіх палярнікаў, паведаміў у эфіры тэлеканала СТБ у праграме "Тыдзень" старшыня Прэзідыума НАН Беларусі Уладзімір Гусакоў, перадае БЕЛТА.


"Будаўніцтва Беларускай антарктычнай станцыі - гэта знакавы праект акадэміі навук. Сёння ў Антарктыдзе ў нас ёсць свая тэрыторыя (Гара Вячэрняя), дзе зманціраваны жыллёвы і рабочы модулі. У бягучым годзе на лядовы кантынент будуць дастаўлены новыя магутнасці, будуць расшыраны жылыя і рабочыя памяшканні. Мы планавалі яшчэ ў бягучым годзе адправіць у Антарктыду палярнікаў на пастаяннае месца жыхарства, каб наша экспедыцыя працавала ў круглагадовым рэжыме вахтавым метадам. Але вырашылі, што ў гэтым годзе экспедыцыя будзе сезоннай, а ў наступным годзе, магчыма, стане пастаяннай", - адзначыў Уладзімір Гусакоў.

Як паведамлялася, старт 11-й Беларускай антарктычнай экспедыцыі быў дадзены ў НАН 31 кастрычніка. У складзе экспедыцыі сезона-2018/2019 - навуковыя супрацоўнікі арганізацый НАН Беларусі (Рэспубліканскага цэнтра палярных даследаванняў, Інстытута фізікі, НПЦ па біярэсурсах) і БДУ (Нацыянальнага навукова-даследчага цэнтра маніторынгу азанасферы). У ліку ўдзельнікаў - начальнік экспедыцыі Аляксей Гайдашоў, вядучы спецыяліст- намеснік начальніка экспедыцыі Дзмітрый Лукашанец, інжынер-метэаролаг Сяргей Байкоў, інжынер-радыёметрыст Уладзіслаў Базылевіч, інжынер-механік па эксплуатацыі машын і механізмаў Артур Івашка, урач-хірург Сяргей Сухараў, інжынер-механік дызель-электрастанцыі Аляксей Хаткевіч і электраманцёр па рамонце і абслугоўванні электраабсталявання Аляксандр Лянкевіч.

Выбар рэдакцыі

Калейдаскоп

Дзмітрый Рабаў: У ліпені чакаем ідэальнае беларускае лета!

Дзмітрый Рабаў: У ліпені чакаем ідэальнае беларускае лета!

У ліпені, як і належыць экватару года, прагназуецца самы цёплы перыяд сезона.

Калейдаскоп

«I гэты чалавек застаўся жыць...» Медыкі ў беларускай літаратуры. Тэст

«I гэты чалавек застаўся жыць...» Медыкі ў беларускай літаратуры. Тэст

Кожную трэцюю нядзелю червеня адзначаецца Дзень медыцынскага работніка.