Вы тут

У наваколлі Трафімавай крыніцы


Прэзідэнты Беларусі і Расіі Аляксандр Лукашэнка і Уладзімір Пуцін пасля завяршэння афіцыйных мерапрыемстваў, звязаных з іх удзелам у V Форуме рэгіёнаў, некалькі гадзін мелі нефармальныя зносіны


Кіраўнік беларускай дзяржавы запрасіў расійскага лідара наведаць сваю малую радзіму ў аграгарадку Александрыя Шклоўскага раёна. Аляксандр Лукашэнка і Уладзімір Пуцін агледзелі дом, дзе рос будучы беларускі Прэзідэнт. Разам яны прагуляліся па вёсцы, палюбаваліся мясцовым хараством прыроды. Пабывалі і ля Трафімавай крыніцы, з якой Аляксандра Лукашэнку звязваюць не толькі цёплыя ўспаміны з дзяцінства, але і сямейная гісторыя: у свой час крыніцу ўладкаваў дзед Прэзідэнта — цясляр Трафім. Паводле яго імені людзі і сталі называць гэта месца. І сам кіраўнік дзяржавы прыклаў немалыя намаганні, каб захаваць і зрабіць яго яшчэ больш прыгожым. Спецыяльна для высокага госця Прэзідэнт правёў экскурсію па акультуранай тэрыторыі крыніцы. Разам з Уладзімірам Пуціным яны выпілі з крыніцы крышталёва чыстай вады, якая лічыцца гаючай.

Асаблівага антуражу ўспамінам і экскурсіі па малой радзіме беларускага лідара надаў і транспарт, на якім перамяшчаліся Прэзідэнты. Замест традыцыйнага для кіраўнікоў дзяржаў аўто прадстаўніцкага класа быў абраны мадэрнізаваны аўтамабіль ГАЗ­69 выпуску 60­х гадоў. Абышліся і без дапамогі вадзіцеля — Аляксандр Лукашэнка асабіста сеў за руль.

У спрадвечна беларускім стылі былі вытрыманы і прыгатаваныя для Уладзіміра Пуціна пачастункі, якія падаваліся ў родным доме Прэзідэнта Беларусі. Бліны і дранікі з печы смакавалі гарачымі. Стравы беларускай кухні былі і ў меню асноўнага абеду кіраўнікоў дзяржаў.

Аляксандр Піменаў

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.