РУП "Белкартаграфія" выпусціла скрэтч-карту "Рэспубліка Беларусь", паведамілі БЕЛТА ў прэс-службе Дзяржаўнага камітэта па маёмасці.
"Для таго каб захаваць памяць аб падарожжах па Беларусі, дастаткова проста сцерці манеткай серабрысты пласт з тэрыторый тых раёнаў краіны, у якіх давялося пабываць. Пад пластом хаваецца маляўнічая і вельмі падрабязная карта з выявай гербаў населеных пунктаў Беларусі. Карту дапаўняюць вытрымкі вершаў беларускіх паэтаў аб родным краі", - распавялі ў прэс-службе.
Скрэтч-карта выдадзена на беларускай мове, яе маштаб 1:1100000. Яна паступіць у фірменную гандлёвую сетку "Белкартаграфіі" 21 лістапада, у дзень урачыстай прэзентацыі чатырохтомнага выдання "Вялiкi гiстарычны атлас Беларусi" ў Нацыянальнай бібліятэцы. Новую карту і ўсе чатыры тамы атласа можна будзе набыць на арганізаванай у бібліятэцы выставе-продажы прадукцыі "Белкартаграфіі". Пазней скрэтч-карта Беларусі паступіць у крамы гандлёвай сеткі "Белкніга".
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
