Вы тут

"Вялікі гістарычны атлас Беларусі" прэзентуюць 21 лістапада


"Вялікі гістарычны атлас Беларусі", які ствараўся больш як 10 гадоў, прэзентуюць 21 лістапада ў Нацыянальнай бібліятэцы Беларусі, паведамілі БЕЛТА ў аддзеле па сувязях з грамадскасцю ўстановы.


"Больш за дзесяць гадоў спатрэбілася гісторыкам, картографам і іншым спецыялістам для стварэння першага ў Беларусі найбольш поўнага і навукова выверанага гістарычнага атласа, які ўяўляе сабой фундаментальнае чатырохтомнае выданне. Тэматычныя раздзелы кніг прысвечаны ваенна-палітычным падзеям, адміністрацыйным пераўтварэнням, сацыяльна-эканамічнаму і культурнаму развіццю, а таксама духоўнаму жыццю грамадства", - расказалі ў бібліятэцы.

На старонках атласа чытач знойдзе больш за 400 унікальных карт, у аснове кожнай - арыгінал-крыніца. "Чатыры тамы атласа дапаўняюць генеральныя карты, на якіх паказаны ўсе значныя населеныя пункты адпаведнага часу з абазначэннем прыналежнасці. Геаграфічны паказальнік знаёміць чытача з гістарычнымі і сучаснымі назвамі ўсіх населеных пунктаў, размешчаных на генеральнай карце, прыналежнасцю да паветаў і маёнткаў, часам першага згадвання ў крыніцах, варыянтамі і змяненнямі назваў", - адзначылі ў аддзеле па сувязях з грамадскасцю.

Галоўная ідэя праекта - даць грамадскасці нагляднае ўяўленне аб гісторыі Беларусі ад старажытнасці да нашых дзён. Кожны з тамоў адлюстроўвае лёсавызначальныя этапы этнагенезу беларусаў, іх складанага шляху да ўтварэння самастойнай дзяржавы.

Асноўную ролю ў арганізацыі работ па стварэнні атласа, выкананне картаграфічных работ і яго фінансаванне ажыццявіла РУП "Белкартаграфія" Дзяржаўнага камітэта па маёмасці. Несумненная заслуга ў падрыхтоўцы выдання належыць вучоным інстытута НАН Беларусі, Беларускага дзяржаўнага ўніверсітэта, спецыялістам Беларускага навукова-даследчага цэнтра электроннай дакументацыі, іншых дзяржаўных органаў і арганізацый.

Выбар рэдакцыі

Грамадства

Пераможца «Жанчыны года-2018»: З трыма дзецьмі можа справіцца кожная пара

Пераможца «Жанчыны года-2018»: З трыма дзецьмі можа справіцца кожная пара

Тры гады таму прозвішча Трыкоза ўжо было на слыху.

Грамадства

Мэр Брэста Аляксандр Рагачук: Дзеці ў пясочніцах на касцях гуляць не будуць

Мэр Брэста Аляксандр Рагачук: Дзеці ў пясочніцах на касцях гуляць не будуць

Кіраўнік Брэсцкага гарвыканкама адмеркаваў рэзанансную тэму раскопак на тэрыторыі гета.

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.