Міністэрства замежных спраў Беларусі запусціла на сваёй старонцы ў Facebook незвычайную акцыю. Беларускія пасольствы ў розных краінах паказваюць, якое надвор'е за акном дыпмісій.
"А якое надвор'е сёння ў Беларусі? Па-асенняму дажджліва і золка, хутчэй за ўсё, адкажаце вы. Але не ўсё так адназначна. Астраўкі Беларусі ёсць яшчэ ў 57 краінах, якія раскіданы па ўсім свеце. Вядома, гэта нашы замежныя ўстановы. Прапануем паглядзець, чым яны жывуць, як выглядаюць, ды якое разнастайнае надвор’е можа быць у Беларусі!" - гаворыцца на старонцы МЗС у Facebook.
Фатаграфіі ўжо размясцілі некалькі беларускіх дыпмісій. Так, у Ташкенце за акном пасольства надвор'е сонечная, а ў двары цвітуць ружы. Сонечная восень таксама ў Сеуле і Абу-Дабі.
У Мюнхене наступілі маразы і выпаў снег, нягледзячы на тое, што тут таксама яшчэ не адкрасавалі ружы. "Ружы ды маразы!"- падпісалі фатаграфію дыпламаты.
Аб першым снезе ў Кіеве распавялі супрацоўнікі пасольства Беларусі ва Украіне. Надвор'е за акном беларускай дыпмісіі ў Маскве нагадвае мінскія рэаліі: на вуліцы пахмурна, і людзі імкнуцца апранацца цяплей.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
