Вы тут

Журавінавы рай


Альманы мяне здзівілі сваёй самабытнай культурай і, вядома, журавінамі. Можна сказаць, што я ўпершыню была на Беларускім Палессі. Раней наведвала толькі Альшаны, што побач. Альманы — гэта зусім іншая атмасфера. Мы крыху спазніліся і прыехалі на фестываль журавін у самы разгар свята.


Я хутчэй пабегла глядзець, знаёміцца і частавацца. Разнастайныя падворкі, песні, танцы, дзіцячы смех і смачныя пахі на ўсю ваколіцу — вось, куды я трапіла, як тая Аліса ў краіну цудаў. Але ж сапраўдны цуд у Альманах — гэта не балоты і нават не журавіны — гэта людзі.

Тут я пазнаёмілася з Сяргеем Чмуневічам. Ён збірае журавіны разам са сваёй мамай усё жыццё. Кажа, што лепш за журавіны не можа быць нічога, акрамя саміх журавін. На адным з падворкаў дырэктар Мачульскага дома фальклору Ніна Дабрынец прапанавала пакаштаваць смачны фітачай з нагаворным зеллем.

Рабіць нагавор я не захацела, але гарбата была найсмачнейшая. Сустрэла Лену Коваль. Яна марыла пазнаёміцца з аўтарамі «Звязды». Калі я прызналася, дзе працую, мы сталі абдымацца. Ехаць назад у Мінск не хацелася. Альманы, да новых сустрэч!

Таццяна Ткачова, в. Альманы, Брэсцкая вобласць

Выбар рэдакцыі

Грамадства

Пераможца «Жанчыны года-2018»: З трыма дзецьмі можа справіцца кожная пара

Пераможца «Жанчыны года-2018»: З трыма дзецьмі можа справіцца кожная пара

Тры гады таму прозвішча Трыкоза ўжо было на слыху.

Грамадства

Мэр Брэста Аляксандр Рагачук: Дзеці ў пясочніцах на касцях гуляць не будуць

Мэр Брэста Аляксандр Рагачук: Дзеці ў пясочніцах на касцях гуляць не будуць

Кіраўнік Брэсцкага гарвыканкама адмеркаваў рэзанансную тэму раскопак на тэрыторыі гета.

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.