Вы тут

Коласаўскі тэатр прадставіць новае прачытанне "Сымона-музыкі"


У Нацыянальным акадэмічным драматычным тэатры імя Якуба Коласа ў Віцебску сёння адбудзецца прэм'ера "Сымона-музыкі", паведамілі БЕЛТА ў тэатры.


Гледачоў запрашаюць паглядзець сучаснае тэатральнае ўвасабленне класічнага твора Якуба Коласа "Сымон-музыка". У новым спектаклі абяцаюць шмат музычных, пластычных і танцавальных нумароў. Акрамя таго, будзе іншым фінал. "Каб заняць дастойнае месца ў жыцці, чалавек павінен прайсці праз мноства выпрабаванняў. Звычайны беларускі юнак, чытаючы ўслых новыя і новыя радкі паэмы, прымярае на сябе і вобраз, і лёс Сымона - музыканта, які атрымаў ад бога талент і незвычайнае разуменне свету. І каб застацца самім сабой, яму трэба пераадолець некалькі перашкод", - расказалі ў тэатры.

За аснову спектакля ўзята першая рэдакцыя паэмы, датаваная 1918 годам. Таксама выкарыстаны больш познія - другая і трэцяя. Жанр пастаноўкі абазначаны як "мелодыя парванай струны".

Пастаноўку ажыццявіў мастацкі кіраўнік тэатра Міхаіл Краснабаеў. Музыку да спектакля стварыў кампазітар Арцём Краснабаеў, харэаграфія Дзіяны Юрчанка. Афармленне і касцюмы падрыхтавала галоўны мастак Коласаўскага тэатра Святлана Макаранка.

Класічную гісторыю разыграюць у асноўным маладыя акцёры. У галоўнай ролі - Дзмітрый Каваленка. Народны артыст Беларусі Тадэвуш Кокштыс увасобіць адразу чатыры вобразы - Стары, Курыла, Жабрак і дзед Даніла. Вобраз Ганны, каханай Сымона, стварае актрыса Настасся Рэўчанка-Лук'янава. Галоўным антыподам Сымона будзе малады Князь, ролю якога выканае Яўген Бераснеў. У эпізадычных ролях заняты Георгій Лойка, Алена Шарэпчанка, Аляксандр Базук, Анжаліка Баркоўская, Генадзь Гайдук, Раіса Грыбовіч і іншыя артысты.

Прэм'ера прысвечана дню заснавання Нацыянальнага акадэмічнага драматычнага тэатра імя Якуба Коласа і 100-годдзю напісання і публікацыі першай рэдакцыі паэмы "Сымона-музыка".

Выбар рэдакцыі

Спорт

Беларус Данііл Крывіцкі ў 15 гадоў гуляе ў футбол у іспанскім клубе

Беларус Данііл Крывіцкі ў 15 гадоў гуляе ў футбол у іспанскім клубе

 З перспектыўным футбалістам мы звязаліся, каб даведацца пра яго далейшыя планы, трэніроўкі ў «Інтэры» і жыццё ў Іспаніі.

Грамадства

Чаму лесапілка стала прадметам спрэчак сярод вяскоўцаў

Чаму лесапілка стала прадметам спрэчак сярод вяскоўцаў

Каб высветліць маштаб праблемы, журналіст «Звязды» накіравалася ў вёску Струпень.

Грамадства

Як выхаваць даследчыка за школьнай партай?

Як выхаваць даследчыка за школьнай партай?

Чаму ўсе краіны, якія развіваюць інавацыйную эканоміку, робяць сёння стаўку на STЕM?