Вы тут

Беларускія кухары прадставілі нацыянальную кухню на Сардзініі


Прадстаўнікі гільдыі кухараў і шэф-кухараў Беларусі пабывалі ў аўтаномнай акрузе Сардзініі (Італія), дзе разам з італьянскімі калегамі ўзялі ўдзел у адукацыйных мерапрыемствах Сардзінскага інстытута прафесійнай адукацыі IFAL, які рыхтуе кухараў, кандытараў і спецыялістаў па прыгатаванню піцы.


Кухары Аляксандр Чыкілеўскі, Таццяна Назарук, Юрый Колеснеў, Антон Кабанаў і Вадзім Мачальскі, якія прадстаўляюць розныя рэгіёны нашай краіны, правялі майстар-класы па прыгатаванні беларускіх страў. У прыватнасці, адным з выпускных практычных экзаменаў для слухачоў кулінарных курсаў IFAL стане прыгатаванне дранікаў, як гастранамічнага сімвала Беларусі, а кухар, які зробіць найлепшыя дранікі, атрымае права ўдзелу ў "Днях кухні Сардзініі ў Беларусі" ў 2019 годзе.

Акрамя таго, як расказаў Ганаровы консул Беларусі ў горадзе Кальяры (Сардзінія) Джузепе Карбоні, італьянскія даследчыкі выбралі дзве стравы беларускай нацыянальнай кухні, аркас (старадаўні від дамашняга сыру з яйкамі і смятанай) і салянку,  як узор карысных страў, якія могуць увайсці ў так званую дыету даўгажыхарства.

Вікторыя ЗАХАРАВА

Фота прадстаўлена Ганаровым консульствам Рэспублікі Беларусь у Кальяры (Сардзінія)

Выбар рэдакцыі

Грамадства

​Моладзь пры ўладкаванні на працу жадае заробак у тысячу рублёў

​Моладзь пры ўладкаванні на працу жадае заробак у тысячу рублёў

Хоць толькі збіраюцца выйсці на рынак працы.

Калейдаскоп

Чым Адэса прываблівае турыстаў

Чым Адэса прываблівае турыстаў

Гэта — недарагі адносна іншых курортаў адпачынак.

Грамадства

Як апынуцца ў раннім Сярэднявеччы?

Як апынуцца ў раннім Сярэднявеччы?

Ці сапраўды ў акваторыі сучаснага горада можна ўбачыць і нават праплыць на парусніку вікінгаў?

Грамадства

На Пастаўшчыне адбыўся інклюзіўны фестываль

На Пастаўшчыне адбыўся інклюзіўны фестываль

Для дзяцей з абмежаванымі магчымасцямі «Асаблівыя, як усе».