Вы тут

Выстаўка-форум ITE –2018 пройдзе ў сталіцы 28-30 лістапада


Другая міжнародная спецыялізаваная выстаўка-форум “Інфармацыйныя тэхналогіі ў адукацыі” разгорнецца на пляцоўках Fаlсоn Сlub Mіnsk.


ІTЕ 2018 абяцае стаць адным з самых маштабных мерапрыемстваў года ў адукацыі. Мяркуецца, што форум наведаюць каля 5 тысяч чалавек.  На яго запрошаны 72 спікеры — вядучыя беларускія і замежныя спецыялісты ў інфарматызацыі: член Савета па развіцці лічбавай эканомікі, старшыня экспертнага савета ПВТ Аляксандр Курбацкі, рэктар БДУІР Вадзім Богуш, кіраўнік прадстаўніцтва “Майкрасофт” у Беларусі Антон Мякішаў, эксперт у галіне Wеbоmеtrісs Энрыке Ордуна-Мале (Іспанія), адукацыйны тэхнолаг Талінскай цэнтральнай рускай гімназіі Людміла Раждзественская (Эстонія), старшы дырэктар па распрацоўцы праграмнага забеспячэння кампаніі “Эпам Сістэмс” Павел Лібер і іншыя.

Адначасова будуць дзейнічаць пяць пляцовак: вялікая, разлічаная на тысячу чалавек, і чатыры — на 100 чалавек. Дзелавая праграма форуму ўключае канферэнцыі “Лічбавы ўніверсітэт” і “Менеджмент універсітэцкіх бібліятэк”. Пры падтрымцы Сусветнага банка пройдзе міжнародная канферэнцыя “Інфармацыйная сістэма кіравання ў сектары адукацыі: найлепшыя сусветныя практыкі для Беларусі”. Асацыяцыя “Адукацыя для будучыні” арганізуе панэльную дыскусію на тэму “Якая школьная інфарматыка патрэбная для ІТ-краіны”. Будуць абмяркоўвацца STЕM-падыходы ў адукацыі. Запланаваныя таксама круглыя сталы “Лічбавы каледж” і “Інфармацыйная бяспека ў адукацыі”. У рамках форуму пройдзе фінал рэспубліканскага конкурсу праектаў “Інфармацыйныя і мабільныя тэхналогіі для адукацыйнага працэсу”.

Спецыялісты EPAM пакажуць педагогам, як “завесці” elearning, і раскажуць, якія інструменты лепш за ўсё выкарыстоўваць для ўключэння навучэнцаў. Пазнаць таямніцы “Камасутры інфарматыкі” дапамогуць эксперты ПВТ.  Як займацца інфарматыкай без камп’ютара раскажа адукацыйны тэхнолаг Талінской цэнтральнай рускай гімназіі.

Мэта выстаўкі-форуму -- дэманстрацыя сучасных навуковых дасягненняў і распрацовак у сферы інфармацыйных тэхналогій, а таксама станоўчага эфекту ад іх выкарыстання ў адукацыйным працэсе на ўсіх узроўнях сістэмы адукацыі, абмеркаванне праблемных пытанняў і перспектыўных напрамкаў, перадавога айчыннага і сусветнага вопыту лічбавай трансфармацыі адукацыі.

Удзел у форуме бясплатны, але трэба прайсці рэгістрацыю на сайце: ite.unibel.by

Надзея НІКАЛАЕВА

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.