Вы тут

Форум, прысвечаны 100-годдзю ўтварэння БССР, пройдзе ў БДУ


Двухдзённая міжнародная навуковая канферэнцыя "Фарміраванне беларускай дзяржаўнасці ва ўмовах геапалітычных зрухаў XX стагоддзя” адкрыецца 29 лістапада ў Белдзяржуніверсітэце.  Форум прысвечаны 100-годдзю ўтварэння Беларускай Савецкай Сацыялістычнай Рэспублікі. Святкаванне гадавіны падзей, якія прадвызначылі далейшы шлях развіцця беларускай дзяржаўнасці, прыпадае на 1 студзеня 2019 года.


На дыскусійных пляцоўках выступяць каля 100 навукоўцаў з 35 устаноў Беларусі, Расіі, Украіны, Чэхіі, Польшчы і Германіі. Гісторыкі абмяркуюць асноўныя пытанні станаўлення і развіцця беларускай дзяржаўнасці ў ХХ —пачатку XXI стагоддзяў і дадуць ацэнку падзеям таго часу. У полі зроку ўдзельнікаў форуму будуць праблемы трансфармацыі палітычнай сістэмы Беларусі ў постсавецкі час, здабыццё і ўмацаванне незалежнасці ў канцы XX—пачатку XXI стагоддзяў, а таксама геапалітычны патэнцыял краіны ў сучасных умовах.

Вучоныя прадставяць свае даклады ў сямі тэматычных секцыях. 30 лістапада ў рамках правядзення канферэнцыі пройдзе пасяджэнне навуковага круглага стала "Моладзь у дзяржаваўтваральных працэсах на тэрыторыі Беларусі ў ХХ стагоддзі”. Мадэратарамі дыскусіі выступяць прарэктар па выхаваўчай рабоце і сацыяльных пытаннях БДУ Іван Янушэвіч, дэканы гістарычнага факультэта і факультэта філасофіі і сацыяльных навук Аляксандр Каханоўскі і Вадзім Гігін.

Па выніках форуму плануецца публікацыя зборніка дакладаў, а таксама яго размяшчэнне ў Электроннай бібліятэцы БДУ і навуковай электроннай бібліятэцы e-library.ru.

Надзея НІКАЛАЕВА

Выбар рэдакцыі

Калейдаскоп

Вясёлыя гісторыі чытачоў

Вясёлыя гісторыі чытачоў

Пра куфэрак и вяртанне блуднага мужа.

Эканоміка

У сельскай гаспадарцы трэба кардынальна мяняць павышэнне кваліфікацыі

У сельскай гаспадарцы трэба кардынальна мяняць павышэнне кваліфікацыі

«МС» пагутарыла з вядомым у Беларусі вучоным-аграрыем.

Грамадства

Андрэй Кароль: Студэнтаў трэба задзейнічаць у кухні па «прыгатаванні» ведаў

Андрэй Кароль: Студэнтаў трэба задзейнічаць у кухні па «прыгатаванні» ведаў

Рэктар БДУ пра нешаблоннае мысленне, эўрыстычнае навучанне і адмаўленне ад маналогу.