Вы тут

Як нараджаўся новы свет?


Распавядаюць паштоўкі часоў Першай сусветнай

З іх зместам можна пазнаёміцца дзякуючы фотаальбому «Беларусь. 1914—1918. Вайна і мір», які з’явіўся праз руплівую працу калекцыянера, лаўрэата Прэміі Прэзідэнта Рэспублікі Беларусь «За духоўнае адраджэнне» Уладзіміра Ліхадзедава. Прэзентацыя выдання адбылася ў Нацыянальным гістарычным музеі нашай краіны ў межах выстаўкі «1918. Нараджэнне новага свету».


Фотаальбом «Беларусь. 1914—1918. Вайна і мір» (Выдавецкі дом «Звязда») стаў чарговым выданнем у аўтарскай серыі У. Ліхадзедава «У пошуках страчанага», які адкрываў нашым суайчыннікам мінуўшчыну ў адбітках часу праз СМІ. Гэтымі днямі, калі ўвесь свет згадвае Першую сусветную як глабальную трагедыю народаў Еўропы, Беларусь можа ўдакладніць веды пра яе праз свой боль. Паштоўкі з калекцыі У. Ліхадзедава, прадстаўленыя на выстаўцы, выразна гавораць пра каштоўнасць міру ў любыя часы. І іншыя экспанаты ды рэдкія артэфакты падмацоўваюць беларускае ўспрыманне вайны і міру: сведкі рэальнай гісторыі, яны дапамагаюць зразумець людзей, што жылі ў той час, якія ў віхуры складаных падзей рабілі справы, прымалі рашэнні, скіраваныя ў будучыню, бралі на сябе адказнасць за іншых, вызначалі лёс дзяржаў.

Беларуская памяць пра Першую сусветную ўзмацняецца яшчэ і разуменнем таго, як яна паўплывала на лёс народа, да якіх вынікаў прывяла, на доўгі час падзяліўшы тэрыторыю Беларусі, ды ўзмацніўшы адчуванне роднага, таго, што павінна быць злучана прыналежнасцю да сваёй зямлі і замацавана асобным дзяржаўным утварэннем. За гэта змагаліся нашы продкі далей, прайшоўшы і праз наступныя ваенныя выпрабаванні.

Асэнсаваць увесь мінулы стагадовы шлях прапануе выстаўка, якую наведалі дзяржаўныя асобы: першы намеснік кіраўніка Адміністрацыі Прэзідэнта Максім Рыжанкоў, міністр інфармацыі Аляксандр Карлюкевіч, міністр культуры Юрый Бондар, старшыня парламенцкай камісіі Палаты прадстаўнікоў Нацыянальнага сходу доктар гістарычных навук Ігар Марзалюк. Выстаўка прыцягнула ўвагу не толькі спецыялістаў, зацікаўленых гісторыяй — навукоўцаў, пісьменікаў, краязнаўцаў, але і шырокія колы грамадства.

Марыя АСІПЕНКА

Выбар рэдакцыі

Грамадства

Так цёпла, як у першым паўгоддзі, бывае адзін раз у 30 год

Так цёпла, як у першым паўгоддзі, бывае адзін раз у 30 год

За апошнія 30 гадоў у нас у краіне ў параўнанні з нормай 1961—1990 гадоў, якая ўжываецца як апорная пры ацэнцы значэнняў змены клімату, пацяплела на 1,3 градуса.

Грамадства

Ці прапаноўвае прыдарожны сэрвіс беларускую кухню?

Ці прапаноўвае прыдарожны сэрвіс беларускую кухню?

Міністэрства транспарту і камунікацый цяпер распрацоўвае генеральную схему развіцця прыдарожнага сэрвісу да 2025 года.

Грамадства

Гісторыя пра тое, як партызаны пайшлі па соль, а выратавалі дзевяць чалавек

Гісторыя пра тое, як партызаны пайшлі па соль, а выратавалі дзевяць чалавек

Гэты аповед даслаў нам у рэдакцыю наш даўні чытач з Вялікай Бераставіцы Міхаіл Маскальчук.

Грамадства

Што паглядзець у Хоцімску?

Што паглядзець у Хоцімску?

У Хоцімску нават ёсць кола агляду.