Вы тут

Квіткі ў Купальскую ў пару


Замежныя заўзятары з 10 чэрвеня па 10 ліпеня 2019 года змогуць перасекчы мяжу Беларусі — па квітку на ІІ Еўрапейскія гульні

Пра тое паведаміў журналістам начальнік упраўлення па маркетынгу, камерцыйных пытаннях і рэкламе фонду “Дырэкцыя ІІ Еўрапейскіх гульняў 2019 года” Максім Кашкалда. 


— Грамадзяне 74 краін свету, набываючы квіток на Еўрапейскія гульні, змогуць без візы перасекчы мяжу Беларусі, прычым не толькі ў Нацыянальным аэрапорце Мінск. Абавязковымі ўмовамі для замежнікаў застаюцца наяўнасць дзеючага пашпарта, а таксама медыцынскі страхавы поліс на 10 тысяч еўра і фінансавае забеспячэнне на суму 20 еўра на дзень, — адзначыў Максім Кашкалда.

Нагадаем, што ўжо з 1 снежня квіткі на ІІ Еўрапейскія гульні паступяць у продаж у Беларусі, патрапяць таксама да афіцыйных прадаўцоў за мяжой. Паводле падлікаў арганізатараў, мінімальная выручка ад продажу квіткоў складзе каля 4,5 млн беларускіх рублёў. 

ІІ Еўрапейскія гульні пройдуць у Мінску з 21 па 30 чэрвеня на 12 спартыўных аб’ектах. Больш за 4 тысячы атлетаў з 50 краін разыграюць каля 200 камплектаў узнагарод у 15 відах спорту. Спаборніцтвы ў 9 відах спорту стануць кваліфікаванымі да XXXІІ Алімпійскіх гульняў 2020 года ў Токіа. Спаборніцтвы ж па бадмінтоне, боксе, веславанні на байдарках і каноэ, дзюдо пройдуць у рангу чэмпіянатаў Еўропы.

Рыхтуецца да значнай спартыўнай падзеі цяпер уся Беларусь. У прыватнасці, тыя, хто пажадае ў Купальскую пару-2019 наведаць краіну, змогуць скарыстацца спецыяльнай “Картай госця” — і мець магчымасць за меншы кошт наведаць больш за 1 тысячу музеяў, галерэй, крам, пунктаў пракату, гатэляў Беларусі. Пра тое паведаміў нядаўна дырэктар прадпрыемства “Мінгардаведка” Барыс Васільеў. Праект “Карта госця” прадпрыемства рэалізуе са студзеня 2018-га пры падтрымцы Міністэрстваў спорту і турызму, культуры Беларусі, інфармацыйна-турыстычнага цэнтра “Мінск”. Ужо выпушчана каля 6 тысяч карт, з якіх рэалізавана больш за 700.

Паводле БелТА

Выбар рэдакцыі

Грамадства

Пераможца «Жанчыны года-2018»: З трыма дзецьмі можа справіцца кожная пара

Пераможца «Жанчыны года-2018»: З трыма дзецьмі можа справіцца кожная пара

Тры гады таму прозвішча Трыкоза ўжо было на слыху.

Грамадства

Рагачук: Дзеці ў пясочніцах на касцях гуляць не будуць

Рагачук: Дзеці ў пясочніцах на касцях гуляць не будуць

Кіраўнік Брэсцкага гарвыканкама адмеркаваў рэзанансную тэму раскопак на тэрыторыі гета.

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.