Вы тут

Свежая прэса з кавай і wі-fі


Распаўсюджвальнікі газет і часопісаў у Беларусі святкуюць 100-гадовы юбілей


Хутка ў павільёнах сістэмы “Белсаюздрук”, што з’яўляюцца сеткай распаўсюджвання прэсы ў Беларусі, пакупнікі змогуць размаўляць з прадаўцом на любой мове пры дапамозе анлайн-перакладчыка. Да Еўрапейскіх гульняў-2019 для гасцей Мінска ў тых павільёнах запрацуюць гарадскі навігатар і электронны-кансультант-перакладчык. У “разумным” павільёне можна будзе падзараджаць гаджэты, выклікаць таксі, экстраныя службы, замаўляць трансферы ў аэрапорт і за межы сталіцы.

І ўжо сёння ў павільёнах працуюць кафетэрыі, дзе можна за кубачкам кавы ці гарбаты знаёміцца са свежай прэсай. Яшчэ — бясплатны wі-fі, і ў хуткім часе там зможам аплачваць камунальныя паслугі, набываць квіткі на спектаклі, канцэрты й шмат чаго яшчэ. Такі падарунак РУП “Белсаюздрук” зрабіла наведнікам сваіх гандлёвых аб’ектаў да свайго 100-гадовага юбілею. З 1 лістапада, варта дадаць, РУП “Белсаюздрук” па Мінску і Мінскай вобласці аб’яднаўся з прадпрыемствамі сістэмы з іншых абласцей: на прэс-канферэнцыі ў Доме прэсы нам паказалі новы будучы лагатып — “Белдрук”.

Гендырэктар “Белсаюздруку” Ігар Дудзіч казаў, што развіццё і ўдасканаленне гандлёвай сеткі прадпрыемства праводзіцца — каб лепш забяспечваць прэсай жыхароў краіны. На прылаўкі кіёскаў, павільёнаў і магазінаў штодзень паступае 140 тысяч экземпляраў газет і часопісаў, штомесяц 650 найменняў СМІ знаходзяць свайго чытача. І ёсць надзея, што замена звыклых гандлёвых пунктаў на мадэрнізаваныя канструкцыі, павільёны з уваходам унутр — падвысіць продажы газет і часопісаў. Было заўважана: сучасны павільён “самаабслугоўвання” павялічыць таваразварот у сярэднім у два разы. Узрастала й колькасць фізічных і юрыдычных асоб, якія падпісваюцца там на СМІ.

Сёння, акрамя прэсы, гандлёвая сетка рэалізуе кнігі, папяровую й канцылярскую прадукцыю, сувеніры, нават кандытарскія вырабы. У бліжэйшым часе “Белсаюздрук” абновіць інтэрнэт-магазін на сайце http://bspechat.by, дзе кожны зможа замовіць (па мабільным тэлефоне або з дапамогай камп’ютара) неабходны тавар у гандлёвы пункт, які найбліжэй да яго. Абновіцца й сайт прадпрыемства http://souzpechat.by.

Там будзе дададзена інфармацыя пра падзеі ў медыйнай прасторы Беларусі, пра навінкі прадукцыі, свежую прэсу, вакансіі для працаўладкавання.

Ганна Лагун

 

Выбар рэдакцыі

Грамадства

Пераможца «Жанчыны года-2018»: З трыма дзецьмі можа справіцца кожная пара

Пераможца «Жанчыны года-2018»: З трыма дзецьмі можа справіцца кожная пара

Тры гады таму прозвішча Трыкоза ўжо было на слыху.

Грамадства

Мэр Брэста: Дзеці ў пясочніцах на касцях гуляць не будуць

Мэр Брэста: Дзеці ў пясочніцах на касцях гуляць не будуць

Кіраўнік Брэсцкага гарвыканкама адмеркаваў рэзанансную тэму раскопак на тэрыторыі гета.

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.