Вы тут

“Маладосць” і “Маладосць”


Маладосць & Маладосць

28 лістапада стартаваў праект Маладосць & Маладосць” – вынік калабарацыі вечна маладога часопіса і яго кнігагандлёвага цёзкі, які належыць “Белкнізе”. Цяпер такога кшталту імпрэзы з інтэлектуальнымі размовамі ў акружэнні кніг, выступленнямі пісьменнікаў і супольнымі чытаннямі будуць праходзіць на пастаяннай аснове ў 2-ю і 4-ю сераду кожнага месяца.

Першая “дабл-маладосцеўская” літаратурная серада атрымала простую і ёмістую назву – “Знаёмства”. Культавая кнігарня “Маладосць” стала месцам, дзе “часопісныя” і “кніжныя” маладосцеўцы праз шмат гадоў зноў зрабілі вялікі крок насустрач адзін аднаму. У якасці надзвычайных і паўнамоцных паслоў выступілі начальнік аддзела арганізацыі гандлю і рэкламы ААТ “Белкніга” Андрэй Радыгін і галоўны рэдактар  “Маладосці” Святлана Воцінава, якія выказалі надзею, што супрацоўніцтва літаратурна-кніжных сваякоў выйдзе на новы ўзровень.

Больш падрабязна пра багатую гісторыю ўзаемадносін абедзвюх “Маладосцей” распявялі ветэран кнігагандлю Святлана Гурына і адзін з былых рэдактараў нашага часопіса Алесь Камароўскі. Іх сентыментальныя ўспаміны перанеслі прысутных у часы, калі ў гэтым самым памяшканні выступалі Быкаў і Караткевіч.

Эстафету ад аксакалаў перанялі рэдактары “Маладосці” Дзмітрый Шулюк і Крысціна Бандурына. Хто ведае, магчыма ў будучыні і іх з’яўленне ў легендарнай кнігарні будуць згадваць з такой цеплынёй?

Фінальным акордам сустрэчы стала выступленне Алеся Камоцкага, які сваімі песнямі праводзіў, па яго словах, не толькі імпрэзу, але і… восень!

Наступная сустрэча ў межах праекта “Маладосць” & “Маладосць” адбудзецца праз два тыдні ў тым жа месцы (вул. Багданавіча, 68) і ў той жа час (16-00). Гэты вечар будзе прысвечаны Чынгізу Айтматаву. Убачымся!

Выбар рэдакцыі

Грамадства

Пераможца «Жанчыны года-2018»: З трыма дзецьмі можа справіцца кожная пара

Пераможца «Жанчыны года-2018»: З трыма дзецьмі можа справіцца кожная пара

Тры гады таму прозвішча Трыкоза ўжо было на слыху.

Грамадства

Мэр Брэста Аляксандр Рагачук: Дзеці ў пясочніцах на касцях гуляць не будуць

Мэр Брэста Аляксандр Рагачук: Дзеці ў пясочніцах на касцях гуляць не будуць

Кіраўнік Брэсцкага гарвыканкама адмеркаваў рэзанансную тэму раскопак на тэрыторыі гета.

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.