Такі лямант, што сам не свой

Штотыдзень у эфіры тэлеканала «Беларусь 3» тэлевіктарына «Размаўляем па-беларуску». Для таго каб стаць яе ўдзельнікамі, неабходна зайсці на сайт tvrgоmеl.bу або 3bеlаrus.bу і праз банер «Размаўляем па-беларуску» запоўніць заяўку на каманду з трох чалавек. Ну, а праверыць сваё веданне роднай мовы пасля таго як праграма выйшла ў эфір, можна з дапамогай «Звязды».

Ці ведалі вы, што:

га́ньба — становішча, якое выклікае асуджэнне;
ва́пна — рэчыва белага колеру (известь);
бярэ́мя — ахапак дроў ці саломы;
ля́мант — моцны працяглы плач;
кужаль — валакно ачэсанага лёну;
атру́та — ядавітае рэчыва;
дзірка ад абаранка — зусім нічога. (беларусы яшчэ скажуць: ні шыша, ні сінь-пораху; рускія: дырка от бублика, шиш с маслом);
як сам не свой — моцна расхваляваны, у стане разгубленасці, роспачы, адчаю (беларускія сінонімы: як цень, як у ваду апушчаны; рускія адпаведнікі: не в себе, сам не свой).