Вы тут

Дзе шукаць працу?


Пастаянна дзеючая камісія па каардынацыі работы па садзейнічанні занятасці насельніцтва Валожынскага райвыканкама працягвае сваю работу па працаўладкаванні працаздольных грамадзян, не занятых у эканоміцы.


Нядаўна ў будынку Івянецкага пасялковага выканаўчага камітэта адбылося чарговае пасяджэнне камісіі, на якім прысутнічалі дванаццаць яе членаў і пяць кіраўнікоў арганізацый і прадпрыемстваў, што размяшчаюцца на тэрыторыі пасёлка і Івянецкага сельсавета, паведамляе раённая газета Валожыншчыны «Працоўная слава».

Па дапамогу звярнуліся дзесяць чалавек. Чатыры адразу атрымалі накіраванне на працу дзякуючы таму, што з кіраўнікамі загадзя было вывучана пытанне па вакансіях, якія з'явяцца ў найбліжэйшы час. Яшчэ двое прэтэндэнтаў рабочыя месцы атрымаюць на працягу месяца. Астатнім была дадзена юрыдычная кансультацыя па працаўладкаванні ў рамках выканання Дэкрэта № 3.

Між іншым, інфармацыю аб працаўладкаванні можна атрымаць на сайце райвыканкама: httр://www.vоlоzhіn.gоv.bу. У раздзеле «Сацыяльная сфера» трэба выбраць «Сацыяльная абарона», далей — «Аб садзейнічанні занятасці насельніцтва». Тут жа можна даведацца аб наступных пасяджэннях пастаяннай камісіі. Дарэчы, яны праходзяць у будынку райвыканкама кожны другі і чацвёрты чацвер месяца з 15 да 17 гадзін.

Выбар рэдакцыі

Грамадства

​Моладзь пры ўладкаванні на працу жадае заробак у тысячу рублёў

​Моладзь пры ўладкаванні на працу жадае заробак у тысячу рублёў

Хоць толькі збіраюцца выйсці на рынак працы.

Калейдаскоп

Чым Адэса прываблівае турыстаў

Чым Адэса прываблівае турыстаў

Гэта — недарагі адносна іншых курортаў адпачынак.

Грамадства

Як апынуцца ў раннім Сярэднявеччы?

Як апынуцца ў раннім Сярэднявеччы?

Ці сапраўды ў акваторыі сучаснага горада можна ўбачыць і нават праплыць на парусніку вікінгаў?

Грамадства

На Пастаўшчыне адбыўся інклюзіўны фестываль

На Пастаўшчыне адбыўся інклюзіўны фестываль

Для дзяцей з абмежаванымі магчымасцямі «Асаблівыя, як усе».