Вы тут

Сярэдняя працоўная пенсія па інваліднасці — 347 рублёў


Сёння ў нашай краіне пражываюць 568 тысяч людзей з інваліднасцю, у тым ліку 31,7 тысячы дзяцей-інвалідаў ва ўзросце да 18 гадоў. На жаль, колькасць людзей з асаблівасцямі развіцця з кожным годам расце. І перад дзяржавай стаіць задача забяспечыць ім спрыяльныя магчымасці для жыцця і развіцця — толькі тады мы зможам паўнапраўна называцца грамадствам роўных магчымасцяў.


Многія людзі з інваліднасцю з прычыны абмежаванняў па здароўі не могуць працаваць, таму важным элементам сацыяльнай падтрымкі для іх з'яўляюцца дзяржаўныя дапамогі. Асноўны прыбытак інвалідаў — пенсія. «Сярэдні памер працоўнай пенсіі па інваліднасці ў лістападзе гэтага года склаў каля 347 рублёў. Столькі атрымлівае чалавек, які мае працоўны стаж, але, атрымаўшы інваліднасць, ужо не працуе. Інвалідам з дзяцінства выплачваюць сацыяльную пенсію — у сярэднім каля 205 рублёў», — расказаў намеснік міністра працы і сацыяльнай абароны Аляксандр РУМАК.

Ён таксама адзначыў, што сярод дапамог для сем'яў з дзецьмі немалую частку складаюць выплаты сем'ям, якія выхоўваюць дзяцей-інвалідаў. «Акрамя таго, летась была дадзена магчымасць працаваць на паўстаўкі бацькам, якія ажыццяўляюць догляд дзіцяці-інваліда», — дадаў намеснік міністра.

Ён таксама адзначыў, што сярод дапамог для сем'яў з дзецьмі немалую частку складаюць выплаты сем'ям, якія выхоўваюць дзяцей-інвалідаў. «Акрамя таго, летась была дадзена магчымасць працаваць на паўстаўкі бацькам, якія ажыццяўляюць догляд дзіцяці-інваліда», — дадаў намеснік міністра. Дарэчы, з 31,7 тысячы дзяцей-інвалідаў ва ўзросце да 18 гадоў толькі 650 знаходзяцца ў інтэрнатных установах. Пераважная большасць, паводле слоў Аляксандра Румака, выхоўваецца ў сем'ях, у хатніх умовах.

Многія, атрымаўшы інваліднасць, тым не менш хочуць працягваць працаваць, імкнуцца рэалізаваць свой патэнцыял — крыху больш за 86 тысяч людзей з інваліднасцю працуюць. Па словах намесніка міністра працы і сацыяльнай абароны, у Беларусі створана адпаведная заканадаўчая база, якая вызначае палітыку занятасці для гэтай катэгорыі.

Так, для людзей з інваліднасцю пры прыёме на работу не ўстанаўліваецца выпрабавальны тэрмін, у іх ёсць магчымасць прайсці перанавучанне, атрымаць новую прафесію. Наймальнікам кампенсуюцца выдаткі на абсталяванне рабочых месцаў для інвалідаў. Таксама любы чалавек з асаблівасцямі развіцця пры жаданні можа атрымаць субсідыю на арганізацыю сваёй справы.

«Цяпер няма такога паняцця, як рабочая або нерабочая група інваліднасці, — заявіў дырэктар РНПЦ медыцынскай экспертызы і рэабілітацыі Васіль СМЫЧАК. — Чалавек з любой групай можа працаваць пры жаданні і адсутнасці супрацьпаказанняў да таго або іншага роду дзейнасці».

— Калі раней па выніках абследавання вызначалася, кім можа працаваць чалавек з інваліднасцю, што ўскладняла выбар прафесій, то цяпер мы пайшлі на тое, каб праграма выяўляла, якая праца проціпаказаная чалавеку з улікам яго захворвання, — растлумачыў Аляксандр Румак.

У першым квартале наступнага года будзе створана новая індывідуальная праграма рэабілітацыі інваліда — цяперашнія працуюць недастаткова добра. «Ёсць даручэнне распрацаваць новую індывідуальную праграму рэабілітацыі, узгадніць яе з усімі зацікаўленымі міністэрствамі і ведамствамі, а таксама грамадскімі аб'яднаннямі інвалідаў. Акрамя таго, упершыню ў Беларусі будзе прынятая і ўкаранёная індывідуальная праграма рэабілітацыі і абілітацыі дзіцяці-інваліда. Сёння асобнай такой праграмы ў нас няма», — сказаў Васіль Смычак.

Святлана БУСЬКО

Загаловак у газеце: Да роўных магчымасцяў

Выбар рэдакцыі

Грамадства

Што паглядзець у Хоцімску?

Што паглядзець у Хоцімску?

У Хоцімску нават ёсць кола агляду.

Грамадства

«За больш чым сем год былі ўсяго адны суткі без баявога выезду»

«За больш чым сем год былі ўсяго адны суткі без баявога выезду»

Гісторыя кар'еры падпалкоўніка ў адстаўцы Генадзя Цімахоўцава.

Палітыка

Беларусь і ЕС падпішуць візавае пагадненне не пазней за 2 лютага 2020 года

Беларусь і ЕС падпішуць візавае пагадненне не пазней за 2 лютага 2020 года

Верагодна, гэта адбудзецца ўжо ў гэтым лістападзе. 

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад.