Вы тут

«Газета дапамагла вывучыць родную мову»


— Я нарадзілася ў вёсцы, але родную мову ведала не надта добра — размаўляла на трасянцы. Аднойчы ў тралейбусе пачула, як хлопец з дзяўчынай размаўлялі чыста па-беларуску. А пасажыры вакол прыслухоўваліся да іх гаворкі і прыязна ўсміхаліся. «Якая ж прыгожая наша мова. А мы яе ігнаруем!» — уздыхнула побач жанчына. Гэта прымусіла мяне задумацца: чаму мы не карыстаемся матчынай мовай у побыце, і ўзяцца за яе вывучэнне. Пачала чытаць кнігі на беларускай мове. Знаёмыя падказалі выпісаць «Звязду». І ўжо каторы год я сябрую з вашай газетай. Мне падабаецца, што яна выдаецца на роднай мове, вучыць людзей шанаваць і берагчы роднае слова. Вельмі падабаецца рубрыка «Гаворым па-беларуску». Запамінаю незнаёмыя словы, а потым агучваю дзецям, мужу, сваякам, сябрам. Яны не заўсёды разумеюць іх сэнс. А калі тлумачу, то здзіўляюцца, як ёмка і дакладна можна ахарактарызаваць адным словам з'яву, падзею ці характар чалавека.


Падабаецца мне і «Алё, народ на провадзе». Якія ў нас жартаўлівыя, дасціпныя, з гумарам людзі! Захапляюць гісторыі, сцэны з вясковага жыцця — хоць кіно здымай!

Акрамя таго, я люблю працаваць на зямлі. Таму ў доглядзе за раслінамі вельмі дапамагае рубрыка «Сад і агарод». І наогул, чытаю матэрыялы ўсіх аўтараў. Мне здаецца, што ў рэдакцыі працуюць асаблівыя, адданыя прафесіі і нашай беларускай мове людзі.

Выбар рэдакцыі

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад. 

Грамадства

Ці заўсёды выгадна афармляць бальнічны

Ці заўсёды выгадна афармляць бальнічны

Сярод знаёмых у мяне ёсць шмат жанчын, якія звяртаюцца да ўрача пры любым занядужанні і пры кожнай магчымасці афармляюць бальнічны ліст. 

Культура

Чаму сучаснае беларускае кіно «невялікае»?

Чаму сучаснае беларускае кіно «невялікае»?

Пісьменнік і дысідэнт Андрэй Сіняўскі, калі расказваў пра ўтрыраваную дробязнасць савецкай «цывілізацыі», прывёў у прыклад аповесць Міхаіла

Грамадства

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Аб гэтым заявіў старшыня Савета Рэспублікі Міхаіл Мясніковіч на сустрэчы са старшынёй Савета Федэрацыі Валянцінай Мацвіенка.