Вы тут

Лукашэнка: Беларусь мае намер актыўна развіваць супрацоўніцтва з Грузіяй


Перспектывы ў двухбаковых адносінах краін і выбары новага прэзідэнта абмеркавалі Аляксандр Лукашэнка і пасол Грузіі ў Беларусі Валерый Кварацхелія


На мінулым тыдні Прэзідэнт Беларусі накіраваў віншаванне з перамогай на выбарах сваёй грузінскай калезе Саламэ Зурабішвілі. Першая ў гісторыі краіны жанчына-прэзідэнт набрала большасць галасоў у двух турах і стала апошнім кіраўніком дзяржавы, якога абралі ўсеагульным прамым галасаваннем. Дарэчы сказаць, пост прэзідэнта ў парламенцкай рэспубліцы (якой з’яўляецца Грузія) мае цырыманіяльны характар, але немалаважная роля належыць прэзідэнту ў міжнародных сувязях. А ў Беларусі з Грузіяй яны маюць амаль чвэрцьвяковую гісторыю. За гэты час удалося наладзіць супрацоўніцтва ў палітычным, эканамічным і гуманітарным вектарах.

Перспектывы ў двухбаковых адносінах краін і выбары новага прэзідэнта абмеркавалі Аляксандр Лукашэнка і пасол Грузіі ў Беларусі Валерый Кварацхелія.

"Якія бы выбары не былі — гэта важная палітычная кампанія, якая, як лакмусавая папера, прасвеціць грузінскае грамадства, да чаго яно схіляецца сёння, у якім кірунку гатовае рухацца і гэтак далей. Нежартоўныя ішлі баталіі", — сказаў Прэзідэнт, адзначыўшы, што сачыў за выбарамі і атрымоўваў інфармацыю ад СМІ і беларускага пасольства.

Аляксандр Лукашэнка павіншаваў Валерыя Кварацхелію і ўвесь грузінскі народ з заканчэннем паспяховай выбарчай кампаніі і перадаў віншаванні абранаму прэзідэнту. "У Вас упершыню прэзідэнтам абрана жанчына, да і на постсавецкай прасторы. Гэта можа быць добры вопыт ", — падкрэсліў кіраўнік дзяржавы.

Прэзідэнт Беларусі абсалютна задаволены супрацоўніцтвам з Грузіяй. "Фундаментам як заўсёды з'яўляецца эканоміка і гандлёва-эканамічныя адносіны. У нас і гандаль развіваецца. Мы пачыналі калісьці з нуля", — адзначыў Аляксандр Лукашэнка.

Зараз з афіцыйным візітам у Грузіі знаходзіцца віцэ-прэмьер Міхаіл Русы. "Мною прынята рашэнне, каб ён паехаў з нагоды пасольскіх пытанняў. Але галоўнае, каб правёў сустрэчы і яшчэ раз "зверыў" гадзіннікі пасля гэтага палітычнага перыяду і выбараў прэзідэнта. Гэта сведчыць пра тое, што мы вельмі вялікую ўвагу надаем сяброўскаму і братскаму грузінскаму народу. І мы поўныя рашучасці прасоўваць гэтае супрацоўніцтва ва ўсіх сферах", — акцэнтаваў увагу беларускі лідар.

Аляксандр Лукашэнка падкрэсліў, што чакае сустрэчы з новым кіраўніцтвам Грузіі і ўрадам: "Пасля майго візіту там абнавіўся і ўрад, і будзе вельмі важна "зверыць" гадзіннікі".

Пасля размовы з Аляксандрам Лукашэнкам Надзвычайны і Паўнамоцны пасол Грузіі ў Беларусі Валерый Кварацхелія адказаў на пытанні журналістаў.

"Мы абмяркоўвалі палітычныя пытанні, дзе, у прынцыпе, у нас няма непаразуменняў. І мы як бы праводзім палітыку ўзаемаразумення і ўзаемадапамогі адзін аднаму. Былі пытанні па эканамічнай сітуацыі і тут ў нас таксама ёсць сур'ёзныя зрухі наперад. Тавараабарот расце з кожным годам", — сказаў пасол.

Асаблівая ўвага — турыстычная сфера. Паток падарожнікаў з Беларусі ў Грузіі  расце. І ў гэтым годзе павышэнне колькасці звыш 40 працэнтаў. Па словах дыпламата, яшчэ раз было адзначана, што паміж Беларуссю і Грузіяй няма закрытых тэм, і па ўсіх напрамках ідзе супрацоўніцтва.

У пачатку будучага года ў Беларусь плануе прыехаць новы міністр замежных спраў Грузіі, а ўжо вясной чакаюць прэ'мер-міністра.

У тэму

У студзені – верасні бягучага года тавараабарот паміж Беларуссю і Грузіяй склаў 62 мільёны долараў ЗША. Экспарціравана беларускай прадукцыі на 46,3 мільёны долараў, імпарт склаў звыш 15 мільёнаў долараў. Станоўчае сальда ў знешнім гандлі і паслугах. За дзевяць месяцаў 2018 года на экспарце паслуг зарабілі 13,2 мільёнаў долараў.

Сярод асноўных экспартных пазіцый — малочная прадукцыя, табачныя вырабы, сельгас машыны, лекі. Імпартуюцца з Грузіі мінеральныя воды, віна, нафтапрадукты.

Марыя ДАДАЛКА

Фота БЕЛТА

Выбар рэдакцыі

Грамадства

Сувораўскае вучылішча вачыма яго навучэнцаў

Сувораўскае вучылішча вачыма яго навучэнцаў

Быць сувораўцам ва ўсе часы было прэстыжна. 

Культура

Харвацкі кінафестываль ZаgrеbDох даследуе рэгіён вялікім экранам

Харвацкі кінафестываль ZаgrеbDох даследуе рэгіён вялікім экранам

Балканскія краіны паўсталі перад гледачом з іх надзённым.

Эканоміка

Новыя жыллёвыя ўмовы. Абараніць уласнікаў, спажыўцоў і пастаўшчыкоў паслуг

Новыя жыллёвыя ўмовы. Абараніць уласнікаў, спажыўцоў і пастаўшчыкоў паслуг

Пра новаўвядзенні, якія дэпутаты мусяць разгледзець на вясновай сесіі.