Вы тут

Прэзідэнт назваў два галоўныя драйверы беларускай эканомікі


Развіццё IT, а таксама мадэрнізацыя буйных прадпрыемстваў з'яўляюцца драйверамі беларускай эканомікі. Аб гэтым Прэзідэнт Беларусі Аляксандр Лукашэнка заявіў у інтэрв'ю тэлеканалу "Расія 24", паведамляе БЕЛТА.


"Калі ўжо шчыра казаць, то гэта (IT-сектар. - Заўвага БЕЛТА) адзін з такіх модуляў, які ў гэтым годзе прынясе нам толькі па экспарце каля паўтара мільярдаў долараў. Гэта прыстойная сума для нас, - распавёў Аляксандр Лукашэнка. - Але драйвер гэты адкрыўся не ўчора, калі модна стала казаць пра цыфравізацыю".

Прэзідэнт растлумачыў, што гэтая сфера ў Беларусі развівалася паступова. У ёй ўбачылі вялікія перспектывы яшчэ больш за дзесяць гадоў таму, таму і быў створаны Парк высокіх тэхналогій. "У аснове ляжаў чалавечы, як модна цяпер казаць, капітал, які сыходзіць каранямі ў нашы агульныя часы. У нас і адукацыя была самавітая: радыётэхнікі, матэматыкі, - заўважыў кіраўнік дзяржавы. - Мы гэта захавалі, і адтуль мы вырастаем".

Аляксандр Лукашэнка лічыць, што цыфравізацыя павінна пранікаць не толькі ў рэальны сектар эканомікі, але і ў адукацыю, ахову здароўя, іншыя сферы. Паводле яго слоў, Беларусь не толькі сама засяродзілася на гэтым кірунку, але і дапамагае развіваць яго іншым краінам, напрыклад Казахстану і Узбекістану, іншых цэнтральнаазіяцкіх рэспубліках. "Але трэба разумець, што асабліва не рванеш, калі няма базы, асабліва адукацыі", - падкрэсліў Прэзідэнт.

Яшчэ адным з найважнейшых напрамкаў для развіцця эканомікі кіраўнік дзяржавы назваў мадэрнізацыю прадпрыемстваў старой школы, у тым ліку такіх, як МАЗ, БелАЗ, МТЗ. "Для нас драйвер - гэта не ўзяць і зламаць нібыта неэфектыўнае і нешта ствараць з нуля, хоць і з нуля нешта трэба было ствараць, - канстатаваў ён. - На новае шмат грошай трэба, спецыялісты патрэбныя. А мы гэта, захаваўшы , рэанімавалі і ўкладвалі сродкі ў гэтыя школы. і атрымалі каласальны эфект".

Выбар рэдакцыі

Грамадства

Як у Беларусі развіваецца сектар беспілотнікаў

Як у Беларусі развіваецца сектар беспілотнікаў

Ён малады — сёлета яму спаўняецца 10 гадоў.

Спорт

Беларус Данііл Крывіцкі ў 15 гадоў гуляе ў футбол у іспанскім клубе

Беларус Данііл Крывіцкі ў 15 гадоў гуляе ў футбол у іспанскім клубе

 З перспектыўным футбалістам мы звязаліся, каб даведацца пра яго далейшыя планы, трэніроўкі ў «Інтэры» і жыццё ў Іспаніі.

Грамадства

Чаму лесапілка стала прадметам спрэчак сярод вяскоўцаў

Чаму лесапілка стала прадметам спрэчак сярод вяскоўцаў

Каб высветліць маштаб праблемы, журналіст «Звязды» накіравалася ў вёску Струпень.