Вы тут

Любы тавар даставіць пошта


На Гомельшчыне сёння 52 перасоўныя аддзяленні паштовай сувязі абслугоўваюць 772 населеныя пункты. Гэта азначае, што больш за 45 тысяч вяскоўцаў вобласці атрымліваюць карэспандэнцыю «з колаў».


Зразумела ж, не толькі газеты і часопісы дастаўляюць паштавікі ў маланаселеныя і аддаленыя вёскі. Намеснік дырэктара Гомельскага філіяла РУП «Белпошта» Марына Перагуда расказвае, што мабільныя пошты па сваёй функцыянальнасці і тэхнічнай абсталяванасці з'яўляюцца паўнавартаснымі аддзяленнямі сувязі:

— Насельніцтву аказваецца самы шырокі комплекс паслуг. Перасоўныя аддзяленні паштовай сувязі абсталяваны анлайн-каналамі, таму жыхарам апроч традыцыйных паштовых паслуг даступныя самыя сучасныя сэрвісы. У машыне ёсць ноўтбук, прынтар, абсталяванне для ўзважвання і счытвальнікі банкаўскіх пластыкавых картак. Вітрына пад тавары спажывецкага попыту абсталявана для рухомага транспарту. Арганізавана рэалізацыя тавараў спажывецкага попыту па заяўках насельніцтва.

Да таго ж, гаворыць Марына Антонаўна, у кожным населеным пункце арганізаваны месцы стаянак, дзе ёсць шыльда з указаннем рэжыму работы. Так што кожны вясковец ведае, калі чакаць паштовую машыну з любімай газетай. Час стаянкі складае ад 20 хвілін да гадзіны. Ён залежыць ад колькасці людзей, што жывуць у канкрэтнай вёсцы. У асобных вялікіх населеных пунктах арганізавана некалькі месцаў стаянкі аўтапошты.

Дастаўку пошты і друкаваных СМІ звычайна выконвае кіроўца ці начальнік перасоўнага аддзялення паштовай сувязі. Для гэтага ў населеных пунктах ёсць групавыя абаненцкія шафы і паштовыя скрыні для прыёму пісьмовай карэспандэнцыі.

Між тым вопыт арганізацыі паштовых перасовак мае яшчэ савецкую гісторыю. Пачыналася гэтая работа з асноўнай мэтай наблізіць паслугі пошты да людзей. Сёння ўсе разумеюць, што ўтрымліваць вялікую колькасць стацыянарных аддзяленняў пошце не па сілах. Але ж па сілах арганізаваць усё так, каб жыхары нават самых далёкіх вёсак не адчувалі сябе забытымі.

— Такі фармат абслугоўвання дазваляе павялічыць даступнасць і якасць не толькі паштовых, але і няпрофільных паслуг, — адзначае суразмоўніца. — Па прадукцыйнасці адно перасоўнае аддзяленне паштовай сувязі здольна замяніць каля пяці стацыянарных у невялікіх і цяжкадаступных населеных пунктах. Якасць абслугоўвання насельніцтва не пагоршылася. Выконваецца сацыяльны стандарт па абслугоўванні насельніцтва — дастаўка ажыццяўляецца пяць разоў на тыдзень. Дадам, што за апошнія два гады ў раённых цэнтрах Гомельскай вобласці заменена на новую 21 спецыялізаваная машына, прызначаная для гэтых мэт.

Ірына АСТАШКЕВІЧ

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».