У снежні Мінскае гарадское агенцтва па дзяржаўнай рэгістрацыі і зямельным кадастры пачало рэалізацыю камплекта «Картка Госця».
Набыццё гэтага камплекта дазволіць усім аматарам падарожжаў і людзям, якія цікавяцца гісторыяй нашай краіны, атрымаць унікальную магчымасць аптымальна спланаваць маршруты азнаямлення з выдатнымі мясцінамі сталіцы і яе наваколляў з максімальнай выгадай для свайго бюджэту.
Набываючы камплект «Картка Госця», яе ўладальнік атрымлівае пластыкавую смарт-картку і даведнік. Гэтая картка дае права аднаразовага наведвання (бясплатна або са зніжкай) музеяў і экскурсій, мастацкіх галерэй, уключаных у праграму, а таксама заапарка, аквапарку і назіральнай пляцоўкі Нацыянальнай бібліятэкі Беларусі.
Картка дзейнічае з моманту актывацыі пры наведванні першага аб'екта на працягу 24, 48, 72, 120, 168, 240 гадзін або 12 месяцаў, у залежнасці ад фармату карткі. Тэрмін дзеяння паказаны на картцы.
Турыстычны камплект таксама дае права атрымання зніжак да 20 % у гатэлях, рэстаранах, кафэ, крамах і пры афармленні напракат аўтамабіляў згодна з пералікам партнёраў, паказаным у даведніку. Зніжкамі ў аб'ектах гэтага тыпу можна скарыстацца на працягу трох гадоў пасля набыцця карткі незалежна ад часу актывацыі карткі пры наведванні аб'ектаў першага тыпу. Набыць камплект «Картка Госця» можна ў касе агенцтва па адрасе: Мінск, вул. Максіма Багдановіча, 153, зала прыёму.
Сяргей КУРКАЧ
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
