Вы тут

6-7 снежня Мінск прыме традыцыйны турнір па мастацкай гімнастыцы


Амаль 100 гімнастак з 10 краін паспрачаюцца за ўзнагароды 16-га Міжнароднага турніру па мастацкай гімнастыцы на прызы алімпійскай чэмпіёнкі Марыны Лобач. Турнір праводзіцца ў Мінску з 2002 года і ўжо заняў сваё важнае месца ў міжнародным календары.


Цяперашні турнір асаблівы: 30 гадоў таму Марына Лобач, заваяваўшы «золата» Сеула, стала першай савецкай алімпійскай чэмпіёнкай па мастацкай гімнастыцы. Сёлета ў Палацы мастацкай гімнастыкі гледачы ўбачаць спартсменак з Расіі, Украіны, Італіі, Ізраіля, Літвы, Эстоніі, Кіпра, Польшчы, Казахстана, традыцыйна моцным будзе склад і беларускай каманды. Узнагароды будуць разыграны ў трох узроставых катэгорыях, галоўным прызам, за перамогу ў мнагабор'і старшай групы, стане імянная статуэтка Марыны Лобач, падрыхтаваная адным з галоўных арганізатараў спаборніцтваў, Прэзідэнцкім спартыўным клубам.

Сярод перспектыўных гімнастак гледачы ўбачаць беларуску Ганну Каменшчыкаву. Сёлета яна перамагала на турніры «Хрустальная ружа», які папярэднічае дамашняму этапу Кубка свету. На чэмпіянаце Еўропы ў Гвадалахары спартсменка заваявала «серабро» ў кампазіцыі з булавамі.

Адзначым, што турнір Марыны Лобач ужо традыцыйна стаў добрым стартам для будучых зорак мастацкай гімнастыкі. У будучыні яго ўдзельніцы будуць вызначацца на чэмпіянатах свету і Алімпійскіх гульнях.

Дар'я ЛАБАЖЭВІЧ

Загаловак у газеце: Старт для будучых чэмпіёнак

Выбар рэдакцыі

Грамадства

Пераможца «Жанчыны года-2018»: З трыма дзецьмі можа справіцца кожная пара

Пераможца «Жанчыны года-2018»: З трыма дзецьмі можа справіцца кожная пара

Тры гады таму прозвішча Трыкоза ўжо было на слыху.

Грамадства

Мэр Брэста Аляксандр Рагачук: Дзеці ў пясочніцах на касцях гуляць не будуць

Мэр Брэста Аляксандр Рагачук: Дзеці ў пясочніцах на касцях гуляць не будуць

Кіраўнік Брэсцкага гарвыканкама адмеркаваў рэзанансную тэму раскопак на тэрыторыі гета.

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.