Вы тут

У Мінску 6 снежня адбудзецца другая міжнародная бізнес-сустрэча


Адна з асноўных мэт мерапрыемства — павышэнне інвестыцыйнага іміджу краіны сярод краін-партнёраў у транспартна-лагістычнай галіне і фарміраванне новых эфектыўных каналаў узаемадзеяння для бізнесу і найбуйнейшых нацыянальных перавозчыкаў.


Бізнес-сустрэча набывае асаблівую актуальнасць у сувязі з зададзеным кіраўніком дзяржавы курсам на развіццё аднаго з галоўных лагістычных напрамкаў — кітайскага. З усходнімі партнёрамі заключаны шэраг дагавораў і мемарандумаў, якія замацоўваюць узаемадзеянне па пытаннях перамяшчэння тавараў з Кітая ў нашу краіну і ў адваротным напрамку. Прадпрыемства "Белмытнясэрвіс", у прыватнасці, з'яўляецца аператарам чыгуначных кантэйнерных перавозак грузаў, якія ідуць з КНР у Беларусь. Так, з кастрычніка 2016-га да кастрычніка 2018-га ў рамках праекта праэкспедзіраваны 228 цягнікоў, у складзе якіх перавезена 12 тысяч буйнатанажных кантэйнераў. Нядаўна гэтым прадпрыемствам набыта 100 платформаў, у сувязі з чым цяпер разглядаюцца магчымасці імпартаваць кітайскую прадукцыю уласным чыгуначным транспартам. Рухомы састаў плануецца выкарыстоўваць для адпраўкі ў Кітай прадукцыі айчынных вытворцаў.

Варта адзначыць яшчэ адзін новы перспектыўны напрамак, які ўзнік пасля візіту ў верасні гэтага года лідара дзяржавы ў Рэспубліку Узбекістан. У рамках пастаўленай Прэзідэнтам задачы па павелічэнні тавараабароту паміж краінамі "Белмытнясэрвіс" гатовы прапанаваць зацікаўленым удзельнікам знешнеэканамічнай дзейнасці паслугі па кансалідацыі тавараў на транспартна-лагістычных тэрміналах прадпрыемства і транспартнай лагістыкі.

Запрашэнні на бізнес-сустрэчу накіраваны кампаніям Расіі, Украіны, Узбекістана, Кыргызстана, Казахстана, Кітая, Латвіі, Літвы і Італіі, а таксама прадстаўнікам беларускіх прадпрыемстваў, сярод якіх "Беларуськалій", "Белаэранавігацыя", "Белінтэртранс" і іншыя. Чакаецца прысутнасць экспертаў Дзяржаўнага мытнага камітэта, Нацыянальнага аэрапорта "Мінск", Беларускай чыгункі, адміністрацыі Парка высокіх тэхналогій і Нацыянальнага агенцтва інвестыцый і прыватызацыі.

Тэмамі адкрытых дыскусій стануць пытанні тэхналогіі і асаблівасці рэалізацыі ў нашай краіне аўтаматычнага выпуску тавараў, пабудовы лагістычных ланцужкоў з выкарыстаннем мультымадальных перавозак у напрамку Беларусь — Кітай, арганізацыі і перспектыў развіцця кантэйнерных перавозак, прымянення эксперыментальных мытных тэхналогій у лагістычных ланцужках, комплекснасці як асноўнай тэндэнцыі сучаснага рынку складскіх паслуг. Асобна ўвага будзе акцэнтавана на ІT-рашэннях для кіравання лагістычнымі працэсамі і развіцця электроннага браніравання чаргі на мяжы ў нашу краіну.

Сяргей КУРКАЧ

Выбар рэдакцыі

Грамадства

Маладзечна прэтэндуе на званне беларускай сталіцы стрыт-фуду

Маладзечна прэтэндуе на званне беларускай сталіцы стрыт-фуду

Карэспандэнт «Звязды» ацаніла гастранамічны патэнцыял горада.

Грамадства

Як у Беларусі развіваецца сектар беспілотнікаў

Як у Беларусі развіваецца сектар беспілотнікаў

Ён малады — сёлета яму спаўняецца 10 гадоў.

Спорт

Беларус Данііл Крывіцкі ў 15 гадоў гуляе ў футбол у іспанскім клубе

Беларус Данііл Крывіцкі ў 15 гадоў гуляе ў футбол у іспанскім клубе

 З перспектыўным футбалістам мы звязаліся, каб даведацца пра яго далейшыя планы, трэніроўкі ў «Інтэры» і жыццё ў Іспаніі.

Грамадства

Чаму лесапілка стала прадметам спрэчак сярод вяскоўцаў

Чаму лесапілка стала прадметам спрэчак сярод вяскоўцаў

Каб высветліць маштаб праблемы, журналіст «Звязды» накіравалася ў вёску Струпень.