43-гадовы работнік аднаго з будаўнічых таварыстваў звярнуўся ў Гродзенскі міжраённы аддзел Следчага камітэта з заявай. У пачатку восені ён стаў атрымліваць праз інтэрнэт паведамленні ад кампаніі Suреr bіnаrу, якая прапаноўвала заробак на правядзенні бінарных апцыёнаў з фіксаваным памерам даходу. Спачатку гродзенец адмаўляўся ад супрацоўніцтва, але прадстаўнікі кампаніі паабяцалі яму падваенне ўкладзеных сродкаў і пераканалі зрабіць укладанні. У выніку мужчына пералічыў кампаніі звыш 11 тысяч долараў ЗША, для чаго ўзяў крэдыты ў банках і залажыў уласны аўтамабіль.
Калі ён паспрабаваў вывесці 20 тысяч долараў, якія нібыта знаходзіліся ў яго на рахунку, у кампаніі запатрабавалі пералічэння яшчэ некалькіх тысяч долараў. Калі мужчына адмовіўся выканаць гэтае патрабаванне, з ім перасталі выходзіць на сувязь.
Следчым камітэтам была распачата крымінальная справа па факце завалодання маёмасцю шляхам падману ў асабліва буйным памеры (ч. 3 арт. 209 КК Рэспублікі Беларусь).
Пры высвятленні абставін злачынства было ўстаноўлена, што пацярпелы пералічваў свае грашовыя сродкі ў Чэшскую Рэспубліку. Пры гэтым да таго, як пералічыць грошы, ён не азнаёміўся з інфармацыяй, якая ёсць у інтэрнэце, адносна кампаніі Suреr bіnаrу, дзе сказана, што паслугі гэтай кампаніі з'яўляюцца чыстай вады ашуканствам, і грамадзяне ўжо не адной краіны сталі яе ахвярамі.
Як заўважылі ў Следчым камітэце, нягледзячы на неаднаразовыя папярэджанні праваахоўных органаў, людзі ў пагоні за звышпрыбыткамі працягваюць рабіць фінансавыя аперацыі, не прытрымліваючыся самых элементарных правілаў бяспекі.
Сяргей КУЛАКОЎ
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
