Ужо больш за год у “Офісе прасоўвання ініцыятыў” працуе інфармацыйны цэнтр праграмы Erasmus +. З 2018 года валанцёрства ў рамках гэтай праграмы праходзіць не з дапамогай Еўрапейскай добраахвотніцкай службы, а з дапамогай Еўрапейскіх атрадаў салідарнасці. У чым розніца? Гэта можна будзе даведацца 7 снежня на інфармацыйнай сустрэчы, якая пройдзе з 11 да 13 гадзін у прасторы “Evente” (пр. Пераможцаў, 7А).
Спікерамі на інфармацыйнай сустрэчы па праграмах маладзёжных валанцёрскіх абменаў стануць удзельнікі Прадстаўніцтва Еўрапейскага Саюза ў Беларусі, сябры арганізацыі SALTO EECA і былыя валанцёры праграмы EVS. Яны раскажуць, у чым асноўныя прынцыпы новай праграмы, як яна дзейнічае і чаго чакаюць ад яе арганізатары. Былыя валанцёры падзеляцца сваім вопытам валанцёрства ў Еўропе, падкажуць, як лепш падаць заяўку на такі абмен.
Гэта сустрэча будзе карысная і некамерцыйным арганізацыям, якія даведаюцца, як падаваць заяўкі на праекты Erasmus + Youth, адпраўляць і прымаць валанцёраў ў Беларусі. Таксама гэта выдатная магчымасць сустрэць партнёраў з іншых арганізацый, якія займаюцца еўрапейскімі і беларускімі валанцёрамі.
“Офіс прасоўвання ініцыятыў” — некамерцыйная асветніцкая ўстанова, якая займаецца адукацыйным і валанцёрская праграмамі для падлеткаў і моладзі ў Беларусі і яе рэгіёнах.
Надзея НІКАЛАЕВА
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.
