Вы тут

З 9 снежня на БЧ — новы графік руху


На дарогах краін Садружнасці і Еўрасаюза новы графік руху цягнікоў на 2018/2019 год пачне дзейнічаць з 0.00 гадзін 9 снежня, паведамілі ў прэс-цэнтры магістралі.


У міжнародных зносінах графікам руху цягнікоў на 2018/2019 год прадугледжаны наступныя змены.

  • Прызначаны новы міжнародны цягнік № 328/327 Мінск — Казань адпраўленнем ад станцыі Мінск-Пасажырскі ў 21.55 па серадах, прыбыццём у Казань у 17.53 па пятніцах. У адваротным кірунку са станцыі Казань — у 7.43 па суботах і прыбыццём на станцыю Мінск-Пасажырскі ў 5.13 па панядзелках. У складзе цягніка прадугледжваецца таксама курсіраванне бесперасадачных вагонаў Брэст — Казань і Гомель — Казань.
  • Цягнік Брэст — Саратаў прызначаны ў зносінах Баранавічы — Саратаў. Ён будзе адпраўляцца з пачатковай станцыі па нядзелях і прыбываць у Саратаў па аўторках, з Саратава — па аўторках, а прыбываць на канцавую станцыю па чацвяргах. У складзе цягніка прадугледжваецца таксама курсіраванне бесперасадачных вагонаў Брэст — Саратаў і Гомель — Саратаў.
  • Зменены расклад цягніка № 317 Караганда — Баранавічы.
  • З улікам попыту на перавозкі ў летні перыяд 2019 года прадугледжаны цягнік № 451/452 Мінск — Варна.
  • У міжрэгіянальных зносінах будзе прызначаны новы цягнік бізнес-класа ў зносінах Мінск — Гродна маторвагонным рухомым саставам. Час адпраўлення цягніка са станцыі Гродна — у 6.39, прыбыццё на станцыю Мінск-Пасажырскі — у 10.42. Час адпраўлення са станцыі Мінск-Пасажырскі ў 15.30, прыбыццё на станцыю Гродна — у 19.38.
  • У летні перыяд на найбольш запатрабаваных кірунках захавана штодзённае курсіраванне цягнікоў № 94/93 Мінск — Адэса, № 100/99 Мінск — Новааляксееўка, а таксама бесперасадачныя вагоны з Мінска да Херсона і Бярдзянска.
  • Таксама ў новым графіку працягнуць курсіраванне бесперасадачныя вагоны фарміравання Беларускай чыгункі з Мінска да Кішынёва з перыядычнасцю праз дзень.

Сяргей РАСОЛЬКА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».