У Беларусі створаны партал рэйтынгавай ацэнкі дзяржаўных арганізацый (качество-услуг.бел), паведамілі БЕЛТА ў Міністэрстве сувязі і інфарматызацыі.
Мінсувязі прапануе грамадзянам скарыстацца магчымасцямі партала і па 5-бальнай шкале ацаніць якасць працы дзяржарганізацый. Так, сваё меркаванне можна выказаць пра ступень прастаты і зразумеласці працэсу атрымання паслугі, даступнасці інфармацыі аб парадку яе атрымання, захаванні тэрмінаў, ветлівасці і добразычлівасці супрацоўнікаў.
З улікам пастаўленых адзнак на партале будзе аўтаматычна фармавацца адпаведны рэйтынг арганізацый. Ён дасць магчымасць павысіць эфектыўнасць і якасць работы дзяржустаноў, адзначылі ў Мінсувязі.
Да 1 студзеня 2019 года партал працуе ў тэставым рэжыме.
Партал рэйтынгавай ацэнкі арганізацый распрацаваны Інстытутам прыкладных праграмных сістэм па замове Мінсувязі.
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».