Вы тут

40-гадовы жыхар сталіцы здаў кватэру ў арэнду двойчы


У Першамайскі РУУС сталіцы паступіла паведамленне ад грамадзяніна, які сцвярджаў, што ўнёс перадаплату за арэнду жылля ўласніку кватэры, аднак засяліцца так і не змог. Частку грошай гаспадар нерухомасці вярнуў, а частку на працягу двух тыдняў так і не змог аддаць патэнцыйнаму кватаранту.


Супрацоўнікі аддзела крымінальнага вышуку ўстанавілі асобу падазраванага. Гэта быў непрацуючы 40-гадовы жыхар сталіцы, які раней прыцягваўся да крымінальнай адказнасці за крадзяжы і незаконны абарот наркотыкаў.

Як растлумачыў зламыснік, на адным з інтэрнэт-парталаў ён размясціў аб'яву аб здачы кватэры ў арэнду за 250 долараў ЗША. Яму патэлефанавалі два чалавекі і дамовіліся аб праглядзе жылога памяшкання. Першага патэнцыйнага жыхара ўмовы пражывання задаволілі, і ён аддаў заклад уласніку ў памеры 200 долараў. У гэты ж дзень кватэру паглядзеў яшчэ адзін малады чалавек, які пакінуў заклад у памеры 200 рублёў. Адной з умоў уласніка было даглядаць двух катоў, якія жылі ў кватэры. Абодва кватаранты пагадзіліся, але заехаць у арандаванае жыллё так і не змаглі. Першаму патэлефанавала жонка ўласніка і расказала, што здаваць кватэру яе муж не збіраецца, бо на пастаяннай аснове жыве ў ёй сам, параіла вяртаць грошы. Аднак падазраваны змог аддаць толькі 100 долараў, астатнія на той час патраціў. Тады і паступіла заява ў міліцыю. Другі кватэраздымшчык прыехаў з рэчамі засяляцца ў арандаваную кватэру, але ўласнік яго нават не пусціў на парог і выклікаў міліцыю, сказаўшы, што невядомыя людзі пачалі грукацца да суседзяў, расказалі ў Першамайскім РУУС г. Мінска.
Па факце махлярства заведзена крымінальная справа.

Сяргей РАСОЛЬКА

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як біятэхналогіі паляпшаюць якасць жыцця і здароўя чалавека?

Як біятэхналогіі паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.