Пра тое, што гэты сімпатычны дуэт — не толькі сувядучыя ў рэйтынгавай праграме «Добрай раніцы, Беларусь!», але і сямейная пара, здаецца, не ведаў толькі лянівы. Але свой стан Вольга не афішавала да апошняга, па-ранейшаму выходзячы ў прамы эфір. Цяпер жа ў тэлевізійным жыцці сям'і — радасны перапынак: 5 снежня ў іх нарадзілася дачка.
Пільныя гледачы, мабыць, ужо заўважылі, што за апошнія некалькі дзён у праграме «Добрай раніцы, Беларусь!» адбыліся пэўныя перастаноўкі. Так, Тэа (Юрыя Вашчука) і Вольгу Рыжыкаву на час водпуску замяняе дуэт вядучых Андрэя Макаёнка (ён знаёмы гледачам па праектах «Тэлераніца» і «Макаёнка, 9») і Надзеі Цімафеевай, а ў пары з Глебам Давыдавым ранішні эфір зноў вядзе Ксенія Фаміч-Дзюкава, якая часова не была задзейнічана ў праекце ў сувязі з нараджэннем і выхаваннем сына.
Як расказалі «Звяздзе» ў Белтэлерадыёкампаніі, цяпер яны будуць вар'іравацца ў кожным выпуску: «У праграмы, якая выходзіць больш за 20 гадоў, настолькі зладжаны калектыў, што кожны з «рулявых эфіру» гатовы працаваць у тандэме з любым з калег».
Вікторыя ЦЕЛЯШУК
Фота прадстаўлена БТРК
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
