“Дарога - яна мая! ...” - агульны слоган карпаратыўнага календара Беларускай чыгункі на наступны год. Рэалізацыя гэтага праекта - ад задумкі да ўвасаблення - вынік працы творчага калектыву Цэнтра навукова-тэхнічнай інфармацыі БЧ, паведамілі ў прэс-цэнтры магістралі.
У ролі мадэляў выступілі чыгуначніцы, якія сталі тварам Беларускай чыгункі на 2019 год. На старонках календара - 12 прадстаўніц розных чыгуначных прафесій на сваіх працоўных месцах: таварны касір, тэхнік-расшыфроўшчык хуткамерных стужак, цягніковай дыспетчар, праваднік пасажырскага вагона, аператар сартавальнай горкі, дзяжурны па пераезду, білетны касір, дзяжурны памочнік начальніка вакзала, дыктар, дэфектаскапіст, дзяжурны па станцыі, энергадыспетчар. Іх адабралі па выніках кастынгу, прычым, вырашальную ролю пры выбары адыгрывалі не толькі знешнія дадзеныя, але і працоўныя поспехі дзяўчат. Паказальна, што сярод асобаў беларускай магістралі-2019 ёсць і прадстаўніцы працоўных дынастый, якія ўключаюць не адно пакаленне чыгуначнікаў, фіналісткі і ўдзельніцы галіновых конкурсаў прафесійнага майстэрства.
Зараз на Беларускай чыгунцы працуюць больш за 26 тысяч прадстаўніц прыгожага полу, гэта амаль трэць усяго калектыву магістралі.
Сяргей РАСОЛЬКА
Фота rw.by
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
