Вы тут

Цікавыя навіны з-за мяжы


У Грэнландыі заўважылі кліматычную катастрофу

Міжнародная група навукоўцаў высветліла, што на гэтым найвялікшым у свеце востраве за апошнія дзесяцігоддзі значна паскорыліся тэмпы раставання лёду. Прычынай з'яўляецца глабальнае пацяпленне, выкліканае антрапагеннымі выкідамі парніковых газаў, паведамляе Рhуs.оrg.

Даследчыкі прааналізавалі даныя радыёлакацыйнай альтыметрыі, атрыманыя з дапамогай спадарожнікаў дыстанцыйнага зандзіравання ЕRS, Еnvіsаt і СrуоSаt. Гэты метад дазваляе вызначыць таўшчыню ледзянога покрыва, а таксама змены ў ім з цягам часу. Высветлілася, што ў пачатку 1990-х гадоў вышыня ледзяных шапак у Грэнландыі змянялася нязначна, аднак з 2003-га яна стала імкліва змяншацца. Аб'ёмы лёду скарачаюцца ў заходняй, паўночна-заходняй і паўднёва-ўсходняй частках ледавіковага шчыта, у той час як на поўначы таўшчыня застаецца больш стабільнай.

Паводле слоў навукоўцаў, гэта дэманструе высокую адчувальнасць ледавікоў Грэнландыі да антрапагеннай змены клімату. Талая вада, якая сцякае ў Атлантычны акіян, уплывае на цыркуляцыю вады ў ім, а таксама спрыяе павышэнню ўзроўню мора.


Італьянцы старэюць толькі пасля 75

Старасць у Італіі адкладваецца: навукоўцы з Фларэнтыйскага ўніверсітэта прыйшлі да высновы, што пажылымі італьянцы становяцца толькі пасля 75 гадоў.

Згодна з іх назіраннямі, сённяшнія 65-гадовыя італьянцы па фізічных і разумовых паказчыках адпавядаюць 40—45-гадовым людзям 1980-х гадоў. А на 55 гадоў людзі пачынаюць адчуваць сябе толькі да 75 гадоў. Тыя, хто нарадзіўся ў пачатку ХХ стагоддзя, жылі ў сярэднім па 60—65 гадоў, таму ў 50 ужо маглі лічыцца старымі. З тых часоў чаканая працягласць жыцця ў Італіі павялічылася да 85 гадоў для жанчын і 81 года ў мужчын. Пры гэтым італьянцы даўжэй захоўваюць здароўе і самастойнасць — 50 % жыхароў Італіі ва ўзросце 75—84 гадоў спраўляюцца з паўсядзённымі справамі без старонняй дапамогі.

Улады пакуль ніяк не адрэагавалі на гэтую заяву навукоўцаў. Між тым у многіх еўрапейскіх краінах пенсійная сістэма падладжваецца пад працягласць жыцця грамадзян, якая якраз такі павялічваецца. Напрыклад, у Нідэрландах за пяць гадоў пенсійны ўзрост плануюць падняць да 67 гадоў і трох месяцаў, а ў Бельгіі акрамя павышэння пенсійнага ўзросту пажылым спецыялістам будуць прапаноўваць падпрацоўваць на пенсіі на паўстаўкі.


Датчане будуць катацца на сабаках па аўтадарогах

Міністэрства транспарту Даніі прызнала сабачыя запрэжкі афіцыйным відам транспарту, паведамляе выданне «Еўрапульс».

З 1 студзеня 2019 года ў Даніі на запрэжках можна будзе ездзіць па аўтадарогах і побач з імі. Раней гэта дазвалялася толькі ў спецыяльна адведзеных месцах. Удакладняецца, што гаворка ідзе не толькі аб санках, запрэжаных ездавымі сабакамі, але і аб спецыяльных калясках на колах. Чакаецца, што ў асноўным сабачымі запрэжкамі будуць карыстацца на прагулках і падчас актыўнага адпачынку. Падкрэсліваецца, што язда на сабачых запрэжках у Даніі — традыцыйнае мастацтва.

Іван КУПАРВАС

Выбар рэдакцыі

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.

У свеце

Як развіваецца глабальнае супрацьстаянне ЗША і Кітая?

Як развіваецца глабальнае супрацьстаянне ЗША і Кітая?

Супярэчнасці ў адносінах паміж Вашынгтонам і Пекінам абвастраюцца, і іх можна смела называць гандлёвай вайной.

Грамадства

Якім павінен быць вучэбны дапаможнік у ХХІ стагоддзі?

Якім павінен быць вучэбны дапаможнік у ХХІ стагоддзі?

З 50 выданняў, якія павінны з'явіцца на школьных партах да 1 верасня, 48 ужо надрукаваныя.

Здароўе

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Экзапратэзаванне арбіты не робіцца больш ні ў адной з краін СНД.