Вы тут

Сяргей Серапін: Мы даўно адышлі ад дробных прыдзірак


Дзякуючы ўзаемадзеянню Мінскага гарадскога камітэта прыродных рэсурсаў і аховы навакольнага асяроддзя з гарадскімі службамі ўсе нязначныя пытанні па добраўпарадкаванні вырашаюцца ў рабочым парадку.

Працягваем знаёміць чытачоў з работнікамі сістэмы Мінпрыроды, чые імёны занесены на ведамасную Дошку гонару. Сёння наш суразмоўнік — начальнік аддзела аператыўнага кантролю па Маскоўскім, Ленінскім, Цэнтральным раёнах Мінскага гарадскога камітэта прыродных рэсурсаў і аховы навакольнага асяроддзя Сяргей Серапін.


— Шмат жыхароў сталіцы выказваюць занепакоенасць у сувязі з тым, што з двароў зніклі кантэйнеры для шкла і паперы. Што адбываецца?

— Гэта часовыя цяжкасці. Усе старыя кантэйнеры для паперы, пластыку і шкла хутка заменяць на сучасныя, больш надзейныя, добра абароненыя ад знешніх фактараў. Мінскі гарадскі камітэт прыродных рэсурсаў і аховы навакольнага асяроддзя фінансава ўдзельнічае ў гэтым праекце. Таксама цяпер сумесна з раённымі службамі ЖКГ прапрацоўваем пытанне аб устаноўцы ў Мінску заглыбленых кантэйнераў для цвёрдых бытавых адходаў. Яны значна зручнейшыя, больш ёмістыя і эстэтычныя, чым тыя, што выкарыстоўваюцца цяпер.

— Што можна сказаць пра экалагічнае становішча на вашай падведамаснай тэрыторыі?

— Ленінскі і Цэнтральны раёны — самыя экалагічна чыстыя з зоны маёй адказнасці. Вы скажаце, што, напрыклад, у Цэнтральным раёне размешчаны завод «Атлант». Адкажу, што гэта прадпрыемства, якое надзвычай адказна ставіцца да пытанняў экалагічнай бяспекі і па праве занесена на гарадскую Дошку гонару. Наш самы вялікі клопат у гэтых раёнах — рака Свіслач. Раз на месяц робім абыход на прадмет выканання патрабаванняў водаахоўнага заканадаўства.

Маскоўскі раён больш складаны, у ім шмат прамысловых прадпрыемстваў. Насельніцтва асабліва турбуюць шкодныя выкіды, і таму гэтае пытанне заўсёды ў нас на кантролі. Ды і самі прадпрыемствы праяўляюць свядомасць, выдаткоўваюць сродкі на абнаўленне газаачышчальных сістэм. У сваёй інспектарскай дзейнасці мы даўно адышлі ад дробных прыдзірак. Наладжана ўзаемадзеянне з гарадскімі службамі, усе нязначныя пытанні вырашаюцца на месцы.

— Ва ўсіх трох раёнах ёсць прыватны сектар. На першы погляд, гэта ў асноўным дыхтоўныя дамы, дагледжаныя ўчасткі. А што выяўляецца падчас абследавання жылых тэрыторый?

— У прыватным сектары пакуль яшчэ застаюцца асобныя праблемы з санітарным станам участкаў, нясвоечасовым вывазам адходаў і іх складзіраваннем у несанкцыянаваных месцах. Так ці інакш, гэта вырашальная праблема: дзесьці хапае растлумачальнай працы, дзесьці просім мясцовыя службы ЖКГ перагледзець графік вывазу смецця. У прыватным сектары практычна нідзе няма стацыянарных пляцовак для збору адходаў. Таму людзі выкладваюць пакеты па ходзе руху смеццявоза. Злосных парушальнікаў няшмат, але кожны з іх наносіць каласальную шкоду прыродзе. Напрыклад, падчас рэйду ў раёне старой прыватнай забудовы мы выявілі майстэрскі замаскіраваную трубу антысептыку, якая выходзіла проста ў Свіслач. Вядома, склалі пратакол, паводле рашэння суда на гаспадара дома быў накладзены штраф. У гэтай гісторыі мяне да бясконцасці здзіўляе эгаізм. Чалавек не думае пра суседзяў, дык хаця б падумаў пра тое, што на беразе забруджанай ракі будуць жыць яго дзеці і ўнукі.

— Якія яшчэ пытанні ў полі зроку аддзела аператыўнага кантролю?

— Вядзецца сістэмны кантроль за выкананнем заканадаўства ў галіне абыходжання з адходамі, у тым ліку за недапушчэннем іх захавання на палігонах. Акрамя абследавання жылых тэрыторый выяўляем несанкцыянаваныя звалкі адходаў на тэрыторыі агульнага доступу, у прыдарожных палосах, месцах адпачынку. На кантролі ў нас таксама пытанні ўладкавання месцаў збору адходаў з тэрыторыі могілак, прывядзенне ў належны стан мемарыяльных комплексаў. Супрацоўнікі камітэта прымалі ўдзел у суботніку на тэрыторыі мемарыяльнага комплексу «Малы Трасцянец» у межах кампаніі «Уладкуем малую радзіму!».

Аксана ЯНОЎСКАЯ

Фота аўтара

Выбар рэдакцыі

Грамадства

​Моладзь пры ўладкаванні на працу жадае заробак у тысячу рублёў

​Моладзь пры ўладкаванні на працу жадае заробак у тысячу рублёў

Хоць толькі збіраюцца выйсці на рынак працы.

Калейдаскоп

Чым Адэса прываблівае турыстаў

Чым Адэса прываблівае турыстаў

Гэта — недарагі адносна іншых курортаў адпачынак.

Грамадства

Як апынуцца ў раннім Сярэднявеччы?

Як апынуцца ў раннім Сярэднявеччы?

Ці сапраўды ў акваторыі сучаснага горада можна ўбачыць і нават праплыць на парусніку вікінгаў?

Грамадства

На Пастаўшчыне адбыўся інклюзіўны фестываль

На Пастаўшчыне адбыўся інклюзіўны фестываль

Для дзяцей з абмежаванымі магчымасцямі «Асаблівыя, як усе».