У лясгасах Беларусі вядзецца нарыхтоўка шышак елкі і хвоі. У гэтым сезоне (восень 2018 — вясна 2019) плануецца нарыхтаваць 675,9 тоны шышак і атрымаць больш 6782 кілаграмы насення, паведамілі ў прэс-службе Міністэрства лясной гаспадаркі.
Традыцыйна асноўную долю ад агульнага аб'ёму складуць насенне звычайнай хвоі — 6520 кілаграмаў. Акрамя таго, будзе нарыхтавана 257 кілаграмаў насення еўрапейскай елкі і 5 кілаграмаў насення еўрапейскай лістоўніцы.
У лясгасах Беларусі шышкі збіраюць на спецыяльных плантацыях, а таксама ў гаспадарчых насенных насаджэннях, дзе растуць хвоі і елкі з палепшанай якасцю. На дадзены момант ужо нарыхтавана больш за 92 тон шышак, каля 15 тон паступіла на перапрацоўку ў лесанасенныя цэхі. Частка сыравіны ўжо перапрацаваная, астатні ўраджай пакуль знаходзіцца на захоўванні.
Сяргей РАСОЛЬКА
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.