Вы тут

Хто не будзе аплачваць «камуналку» па поўнай па Дэкрэце №3?


Пашырыўся пералік тых, каго не будуць уключаць у базу даных не занятых у эканоміцы грамадзян. Змены прапісаны ў пастанове Саўміна ад 8 снежня 2018 года № 881.


Так, акрамя выпадкаў, агучаных уладамі раней, утрыманцамі не будуць лічыцца ўласнікі маёмасці (заснавальнікі, удзельнікі) камерцыйных арганізацый, за выключэннем акцыянерных таварыстваў. Не ўзнікне пытанняў да сужэнцаў маладых рабочых (служачых), якія прыступілі да работы па размеркаванні ці накіраванні ў мясцовасць, дзе напружаная сітуацыя з працаўладкаваннем. Раней такая норма датычылася толькі мужоў і жонак маладых спецыялістаў. Сужэнцы дыпламатаў, якія знаходзяцца за мяжой, таксама не трапяць у спісы незанятых.

Не будуць уносіць у базы тых, хто знаходзіцца пад дыспансерным наглядам з-за хранічных ці зацяжных псіхічных захворванняў. Але гэта не распаўсюджваецца на грамадзян з сіндромам залежнасці ад алкаголю, наркотыкаў ці таксічных рэчываў.

Тым, каму да пенсіі застаецца год, таксама няма падстаў хвалявацца. Пры фарміраванні базы за першае паўгоддзе ў яе не будуць уключаць грамадзян, якія на 1 студзеня наступнага года дасягнуць агульнаўстаноўленага пенсійнага ўзросту, за другое паўгоддзе — тых, каму выходзіць на пенсію 1 ліпеня наступнага года. Падлеткі, маладзейшыя за 18 гадоў, у спіс незанятых таксама не ўносяцца.

У базе будзе больш інфармацыі аб утрыманцах, чым заяўлялася раней. Напрыклад, туды занясуць звесткі пра дату прызнання недзеяздольным, ідэнтыфікацыйны нумар і дату нараджэння дзіцяці, даты пазбаўлення бацькоўскіх правоў і аднаўлення ў іх.

Даведвацца пра тое, што трэба аплаціць паслугі ЖКГ па поўным тарыфе, незанятыя жыхары краіны будуць праз свае жыроўкі.

У краіне створаць таксама адзіную базу даных грамадзян, якія навучаюцца. Весці яе будзе галоўны інфармацыйна-аналітычны цэнтр Міністэрства адукацыі.

Наталля ЛУБНЕЎСКАЯ

Выбар рэдакцыі

Культура

Што паглядзець у брэсцкім музеі выратаваных каштоўнасцяў

Што паглядзець у брэсцкім музеі выратаваных каштоўнасцяў

Брэсцкі музей выратаваных каштоўнасцяў можна назваць мясцовым Луўрам — калі ўвогуле дарэчы параўноўваць адну культуру з іншай.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

— Хлопцы, не біце, я — ва-а-аш!..

Грамадства

Як дэпутаты вырашаюць праблемы жыхароў Брэсцкай вобласці

Як дэпутаты вырашаюць праблемы жыхароў Брэсцкай вобласці

У мясцовых Саветах Брэсцкай вобласці ажыццяўляюць дэпутацкую дзейнасць 2962 дэпутаты. 

Грамадства

Чым жыве найлепшая маладая сям'я штурмавой авіяцыйнай базы ў Лідзе

Чым жыве найлепшая маладая сям'я штурмавой авіяцыйнай базы ў Лідзе

Абодва яны спяваюць, пішуць вершы пра сваю сям'ю і іграюць на музычных інструментах.