Гэтымі днямі ў Вялікім тэатры оперы і балета праходзіць Мінскі міжнародны Калядны оперны форум, а пачаўся ён 13 снежня з прэм'еры новай оперы «Дон Паскуале» італьянскага кампазітара Гаэтана Даніцэці.
Гэта гісторыя пра старога халасцяка, у якога здараецца канфлікт з пляменнікам: ён хоча жаніць яго з багатай нявестай, а той хоча ажаніцца з каханай. Самадурства Дона Паскуале маладыя вырашаюць «вылечыць» кардынальнымі метадамі: арганізуюць старому фіктыўны шлюб і паказваюць, чым ён часам можа абярнуцца. Камедыйная опера — аўтарам лібрэта з'яўляецца Джавані Руфіні — канчаецца, канешне, хэпі-эндам.
Рэжысёрам-пастаноўшчыкам новага «Дона Паскуале» стаў Міхаіл Панджавідзэ, а дырыжорам-пастаноўшчыкам — Віктар Пласкіна. У рабоце над операй задзейнічаны хормайстар-пастаноўшчык Ніна Ламановіч і мастак-пастаноўшчык Аляксандр Касцючэнка.
ІХ Калядны оперны форум працягнецца да 21 снежня — у гэтыя дні ў Вялікім тэатры паказваюцца найлепшыя пастаноўкі, гучаць вядомыя оперныя галасы і выступаюць сусветныя оперныя зоркі.
Сафія ПАЛЯНСКАЯ
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
