Мужчына знайшоў банкаўскую картку і зняў з яе больш за 1 500 рублёў

Невядомы мужчына 6 лістапада скраў грошы з чужой банкаўскай карткі ў банкамаце на вул. Каржанеўскага і быў аб'яўлены ў вышук. 17 снежня яго знайшлі, паведамілі ў ГУУС Мінгарвыканкама.

43-гадовы падазраваны распавёў, што нідзе не працуе, картку разам з ПІН-кодам знайшоў у пакеце на вул. Казінца, а грошы (усяго 1 527 рублёў) выдаткаваў на асабістыя патрэбы.

У дачыненні да мужчыны распачата крымінальная справа па ч. 2 арт. 212 («Крадзеж шляхам выкарыстання камп'ютарнай тэхнікі") КК Рэспублікі Беларусь.

minsknews.by