Вы тут

Сацыяльны ролік пра дзіцячы зрок прадставілі ў Беларусі


У цэнтры ўвагі — дзіцячы зрок

Сацыяльны ролік пра дзіцячы зрок прадставілі ў Беларусі. Забаўнае відэа з удзелам маленькіх беларусаў заклікае своечасова наведваць афтальмолага і знята ў падтрымку праекта «Я бачу!» і акцыі «Рабіць дабро так проста». Ролік з'явіцца ў эфіры буйных рэспубліканскіх і абласных каналаў.


Ся­род ка­рыс­ных для зро­ку пра­дук­таў гар­буз, морк­ва, ва­рэн­не з чар­ніц і гор­кі ша­ка­лад, сельдэрэй і ківі. Фота Ганны ЗАНКАВІЧ

Ён запрашае гледачоў у захапляльны свет дзіцячых фантазій. Елачка з зялёнай «шэрсцю», вушастыя сланы і самалёты, падобныя на сініц, — чаго толькі не ўбачыць дзіця ў звычайнай табліцы для праверкі зроку! Клапаціцца пра тое, каб дзеці маглі распазнаваць у гэтай табліцы як мага больш радкоў і бачыць больш цікавага ў навакольным свеце, і заклікае дарослых праект «Я бачу!».

Яго рэалізуюць Рэспубліканскае грамадскае аб'яднанне «Беларускі дзіцячы фонд» і кампанія velcom пры падтрымцы Міністэрства аховы здароўя з 2016 года. Сёлета мабільныя брыгады афтальмолагаў працуюць у Брэсцкай вобласці. Да пачатку снежня медыкі паспелі агледзець амаль 11 тысяч дзяцей у школах сямі раёнаў Брэстчыны — Бярозаўскім, Ганцавіцкім, Маларыцкім, Жабінкаўскім, Камянецкім, Кобрынскім і Пружанскім. Парушэнні зроку былі выяўлены ў 4148 школьнікаў (больш чым у 38 %), з іх у 2653 дзяцей дыягназ устаноўлены ўпершыню. З усіх абследаваных 1300 дзяцей атрымалі рэцэпт на акулярную карэкцыю, 77 накіраваны на дадатковае абследаванне, а 27 — на лячэнне ў стацыянар.

— За тры гады праект «Я бачу!» стаў маштабнай сацыяльнай з'явай, якая прыносіць карысць дзецям. Даныя, якія атрымалі ўрачы за гэты час, канстатуюць, што тэндэнцыя пагаршэння зроку ў дзяцей патрабуе комплекснага падыходу і неадкладнага вырашэння, — кажа намеснік дырэктара Беларускага дзіцячага фонду Ірына ЧАРНЯКОВА. — Прыемна, што праект аб'яднаў намаганні грамадскай арганізацыі, бізнесу і дзяржавы для дапамогі дзецям, і эфект ад яго істотны.

Асаблівая ўвага сёлета дадавалася правільнаму харчаванню. Дзясяткі білбордаў і сіцілайтаў з выявамі карысных для зроку прадуктаў з'явіліся на вуліцах і прыпынках грамадскага транспарту ў Брэсце, Баранавічах, Ганцавічах, Кобрыне, Пружанах, а таксама ў беларускай сталіцы.

Бюджэт праекта «Я бачу!» штогод фарміруецца па выніках дабрачыннай ініцыятывы velcom «Рабіць дабро так проста». Удзельнікам марафону можна стаць і сёлета, дастаткова ў перыяд з 11 да 31 снежня падключыцца на любы з тарыфных планаў лінейкі «Камфорт». Кожнае такое падключэнне прынясе ў скарбонку праекта «Я бачу!» 10 рублёў.

— З 2016 года праект паспеў дапамагчы больш чым 30 тысячам дзяцей практычна з усёй Беларусі, — адзначае начальнік аддзела карпарацыйных камунікацый кампаніі velcom Мікалай Брэдзелеў. — Мы імкнёмся, каб наша ініцыятыва развівалася, а дзеці атрымлівалі сучасную афтальмалагічную дапамогу. І разлічваем на тое, што нашы абаненты і ўсе ўдзельнікі дабрачыннай акцыі «Рабіць дабро так проста» працягнуць традыцыю і дапамогуць сабраць нам як мага большую суму для прадаўжэння праекта.

У 2019 годзе мабільныя брыгады ўрачоў-афтальмолагаў накіруюцца ў сельскія школы раёнаў Віцебскай вобласці, дзе праект працягне сваю работу.

Загаловак у газеце: Я бачу!

Выбар рэдакцыі

Грамадства

На Гомельшчыне актыўна развіваюць валанцёрскі рух

На Гомельшчыне актыўна развіваюць валанцёрскі рух

Форма сацыяльнай актыўнасці падлеткаў.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».