З рук вядомага рэжысёра Юлія Гусмана важкую ўзнагароду атрымала кіраўніца праекта “Фестываль нацыянальных культур — Сузор’е дружбы” Алена Сіпакова
Сяброў газеты па свеце — шмат, сярод іх і кіраўніца Іркуцкага таварыства беларускай культуры імя Яна Чэрскага. Нядаўна дайшлі да нас весткі, што праект суполкі “Сузор’е дружбы” стаў лепшым у рэгіёне ў намінацыі “Наш агульны дом — Расія”. Тое пацвердзіла й Алена Сіпакова. Даслала здымкі з урачыстасці. Што за ўзнагарода? “Нацыянальную прэмію “Грамадзянская ініцыятыва” заснаваў Камітэт некамерцыйнай арганізацыі “Фонд Кудрына па падтрымцы грамадзянскіх ініцыятыў”, — патлумачыла Алена. — Прэмію прысуджалі ўжо ў 25-ы раз. А званне лаўрэатаў прэміі прысуджаюць як знак грамадскага прызнання — за асабліва важныя сацпраекты”.
У Іркуцку цырымонію ўшанавання лаўрэатаў рэгіянальнага этапу арганізавалі ўпершыню. Адзначыць лепшых прыехаў прадстаўнік Камітэта грамадзянскіх ініцыятыў, рэжысёр Юлій Гусман.
Віншуем, Алена! Новых поспехаў! Пра сам праект “Сузор’е дружбы” — яшчэ напішам.
Алесь МУРОЧАК
Фота Андрэя ФЁДАРАВА
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.