Вы тут

І оперны форум, і вакальны конкурс


Сотні заявак ад спевакоў з розных краін паступілі на пяты – юбілейны! – Мінскі міжнародны Калядны конкурс вакалістаў, які пройдзе з 14 па 19 снежня ў Вялікім тэатры Беларусі. Таксама і ІХ Оперны форум прымае беларуская сталіца.


Маргарыта Ляўчук — у ліку лаўрэатаў конкурсу

Спяваць — гэта вельмі модна! Ужо не кажучы пра тое, што песня заўсёды была з беларусамі: як у радасці, так і ў горы. Што словамі не скажаш — у песні выкажаш. Паглядзіце на аўдыторыю, гледачоў спеўных тэлеконкурсаў — і ў тым пераканаецеся. Ды й нядаўні конкурс дзіцячага “Еўрабачання?2018”, што з вялікім наплывам гледачоў (аншлагі!) праходзіў у велізарнай “Мінск-Арэне”, таму сведчаннем. Заўважым: паказвалі свае таленты юныя прадстаўнікі ажно 20?і краін-удзельніц. Рэкордная колькасць за ўсю гісторыю міжнароднага песеннага форуму! Шкада, вядома ж, што беларускі прадстаўнік Даніэль Ястрэмскі па выніках галасавання — толькі на 11?й пазіцыі. А Хрустальны мікрафон дастаўся Раксане Венгель з Польшчы.

А цяпер, як гаворыцца, зменім рэгістр: паслухаем класіку… Каму не ў тэму сучасныя рытмы ды сцэнічныя выкрунтасы непрадказальнай капрызулі-эстрады — той слухае рамансы, оперу. І ўявіце сабе: днямі Беларусь зноў парадуе шматлікіх аматараў высокага вакальнага мастацтва. Як гаварылі ўдзельнікі нядаўняй прэс-канферэнцыі ў Вялікім тэатры, сёлетні пяты, юбілейны Мінскі міжнародны Калядны конкурс вакалістаў будзе рэкордным па колькасці ўдзельнікаў. (Як і дзіцячае Еўрабачанне, заўважым…) Але маштаб! Ужо не 20, а больш за 300 (!) заявак даслана ў тэатр ад маладых салістаў з 26 краін. Адкуль канкрэтна? Пералічваем, з удзячнасцю Алене Балабановіч з Вялікага за дасланы прэс-рэліз: Беларусь, Расія, Украіна, Італія, Канада, ЗША, Кітай, Карэя, Фінляндыя, Румынія, Грэцыя, Германія, Турцыя, Венесуэла, Сербія, Швецыя, Ізраіль, Польшча, Эстонія, Паўднёвая Асеція, Казахстан, Манголія, Грузія, Узбекістан, Арменія, Літва.

І ёсць ужо такая даўняя (братняя!) традыцыя ў вакальнага конкурсу: больш за ўсё заявак пададзена ад удзельнікаў з Расіі, Беларусі ды Украіны. Да нас едуць спевакі з сапрана, мецца-сапрана, тэнары, барытоны, басы, бас-барытоны й нават контртэнары (самы высокі мужчынскі голас) і кантральта (самы нізкі жаночы голас). Калядны конкурс вакалістаў мае ўжо свой твар, канстатаваў на прэс-канферэнцыі генеральны дырэктар Вялікага тэатра Уладзімір Грыдзюшка — ён жа і ўзначаліць журы конкурсу. Шматлікіх яго ўдзельнікаў і фіналістаў цяпер ведаюць аматары оперы па ўсім свеце! 

Маладых вакалістаў чакае тры туры спаборніцтва: пасля першага іх застанецца 30, да фіналу дойдуць 10. Яны й будуць змагацца за Гран-пры (акрамя высокага звання гэта і 10 тыс. даляраў), першыя тры прэміі (па 8, 6 і 4 тыс. даляраў адпаведна), за спецыяльныя прызы ад членаў журы, а таксама за Прыз глядацкіх сімпатый. Хто стане пераможцамі й лаўрэатамі — пра тое даведаемся 19 снежня на Гала-канцэрце. Трыўмфатараў пачуем і 21 снежня — на Гала-канцэрце зорак сусветнай оперы.

Іван Ждановіч

Выбар рэдакцыі

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.

У свеце

Як развіваецца глабальнае супрацьстаянне ЗША і Кітая?

Як развіваецца глабальнае супрацьстаянне ЗША і Кітая?

Супярэчнасці ў адносінах паміж Вашынгтонам і Пекінам абвастраюцца, і іх можна смела называць гандлёвай вайной.

Грамадства

Якім павінен быць вучэбны дапаможнік у ХХІ стагоддзі?

Якім павінен быць вучэбны дапаможнік у ХХІ стагоддзі?

З 50 выданняў, якія павінны з'явіцца на школьных партах да 1 верасня, 48 ужо надрукаваныя.

Здароўе

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Экзапратэзаванне арбіты не робіцца больш ні ў адной з краін СНД.