Вы тут

Палачанін шантажаваў жанчын пасля інтыму


Трынаццаць крымінальных спраў распачата ў дачыненні да жыхара Полацка за шантаж жанчын пасля інтыму, паведаміла БЕЛТА афіцыйны прадстаўнік Полацкага РАУС Юлія Зайцава.


Супрацоўнікі крымінальнага вышуку пры сілавой падтрымцы АМАПа затрымалі ў кватэры 44-гадовага жыхара Полацка. Устаноўлена, што непрацуючы мужчына на працягу больш за два гады шантажаваў знаёмых жанчын, вымагаючы грошы і матэрыяльныя каштоўнасці пад пагрозай афішавання інтымных адносін.

З патэнцыйнымі ахвярамі - жанчынамі пераважна 30-40 гадоў - ён знаёміўся ў інтэрнэце. Затым запрашаў да сябе дадому, дзе стасункі пераходзілі ўжо ў іншую плоскасць. Без ведама пацярпелых палачанін ўсё здымаў на відэа і фатаграфаваў, пасля чаго, пагражаючы распаўсюджваннем матэрыялаў, патрабаваў грашовую ўзнагароду. Сума адчэпных складала ад Br400 да Br500.

Падазраваны арыштаваны. Распачата дзесяць крымінальных спраў за вымагальніцтва і тры - па факце махлярства. Праваахоўнікі ўстанавілі больш за 20 фактаў злачынных замахаў.

Выбар рэдакцыі

Рэгіёны

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Як мы бярозавік куплялі на гандлёвай пляцоўцы лясгаса і ў лясніцтве

Культура

Анатоль Ярмоленка: Нас натхняе беларуская паэтычная класіка

Анатоль Ярмоленка: Нас натхняе беларуская паэтычная класіка

Творчая вечарына народнага артыста Беларусі прайшла ў адной з мінскіх гімназій.