Як і абяцалі, ужо з новага года мы вяртаем на старонкі «Звязды» вельмі папулярную ў свой час у нашых чытачоў рубрыку «Радзіннае», якую, як і раней, будуць весці даследчыкі народнай культуры Аксана КАТОВІЧ і Янка КРУК. Праўда, гэтым разам рубрыка памяняе свой фармат: яна цалкам будзе пабудавана на пытаннях-адказах. Нашы аўтары шмат ездзяць па ўсіх рэгіёнах Беларусі, у іх у запасе шмат пытанняў, якія ім задавалі на сустрэчах, і адказаў на іх. Але мы спадзяёмся, што нашы чытачы таксама актыўна далучацца да цікаўных.
Калі вы хочаце ведаць падрабязнасці і сэнс таго ці іншага сямейнага абраду (датычыцца ён нараджэння дзіцяці, вяселля ці пахавання), калі цікавіцеся традыцыйнымі святамі беларусаў і хочаце адзначаць іх па правілах, калі прычыніліся да нейкага незвычайнага дзейства старэйшых сваякоў, але ніхто не можа растлумачыць яго сэнсу, — пішыце нам на паштовы або на электронны адрас рэдакцыі з пазнакай «Пра радзіннае».
Адказы і тлумачэнні знойдуцца хутка — ужо ў наступным годзе. І канешне, пры ўмове, што аформіце падпіску на «Звязду» — інакш як вы іх прачытаеце?
Пішыце нам, заставайцеся з намі — будзе цікава!
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!