Вы тут

Ваенныя сувязісты атрымалі новую тэхніку


У ваеннай справе сакрэт поспеху залежыць ад якасці камунікацыі паміж злучэннямі і падраздзяленнямі. Менавіта таму сувязі і яе сродкам у войску надаецца велізарнае значэнне. Да таго ж важна не толькі іх мець у наяўнасці, але быць здольнымі іх праектаваць і вырабляць. Войскі сувязі цесна супрацоўнічаюць з прадпрыемствамі Дзяржаўнага ваенна-прамысловага камітэта, і дзякуючы трывалым кантактам у краіне наладжана серыйная вытворчасць сродкаў і комплексаў сувязі ўсіх родаў і відаў, неабходных для паўнавартаснага кіравання войскамі.


На тэрыторыі 263 базы захоўвання, рамонту і ўтылізацыі сродкаў сувязі намеснік начальніка генеральнага штаба Узброеных Сіл па баявым упраўленні Ігар Кароль уручыў экіпажам падраздзяленняў і воінскіх часцей сувязі трыццаць адзін новы і мадэрнізаваны комплексны ўзор тэхнікі сувязі. Чым жа новыя ўзоры лепшыя за старыя?

- Радыёрэлейная станцыя Р-414МБРП шыфр "Сасна-2" адрозніваецца ад свайго папярэдніка перш за ўсё прынцыпам дзеяння, - расказвае начальнік упраўлення ААТ "АГАТ - сістэмы кіравання" - кіруючая кампанія холдынгу "Геаінфармацыйныя сістэмы кіравання" Аляксандр Голубеў. - Ранейшая станцыя разгортвалася на гідраўлічным прывадзе, а новая цалкам пераведзена на электрамеханічны, уключаючы ў тым ліку і нацяжэнне мачтаў. Гэта дазволіла паскорыць час разгортвання на 10 хвілін. І апаратная, і мачты на гэтым шасі знаходзяцца побач, дзякуючы чаму можна абысціся без кабялёў. Адразу пасля ўзняцця мачты машына гатова выконваць баявую задачу, а аператары пачынаюць перадачу дадзеных. Час разгортвання зафіксаваны ў 22 хвіліны - столькі праходзіць ад моманту пастаноўкі машыны да пачатку працы. Чатыры апоры ў аўтаматычным рэжыме выраўноўваюць палажэнне платформы. Таксама прадугледжаны спецыяльныя падстаўкі, дзякуючы якім машыну можна разгарнуць і на непадрыхтаванай пляцоўцы.

Новая машына ўжо паспела "засвяціцца" на вучэннях. Яна была ўпершыню прадстаўлена на "Захадзе-2017", і пасля гэтага ўдзельнічала ва ўсіх вучэннях, якія праходзілі на тэрыторыі Беларусі. Дзяржаўныя выпрабаванні яна завяршыла паспяхова. 19 кастрычніка 2018 года загадам Міністра абароны Рэспублікі Беларусь яна прынята на ўзбраенне. І зараз пачынаецца серыйная вытворчасць гэтага вырабу.

- Войскі сувязі ў сучасных умовах мусяць выконваць задачы ў такой абстаноўцы, дзе трэба не толькі крочыць у ногу з часам, але і быць крыху наперадзе,  - зазначыў начальнік сувязі Узброеных Сіл Алег Мішчанка. - Сучасныя сістэмы кіравання прад'яўляюць войскам патрабаванні па прапускной здольнасці, устойлівасці, мабільнасці, не кажучы ўжо пра абароненасць і здольнасць працаваць ва ўмовах радыёэлектроннага ўздзеяння. Мы аснашчаем войскі сучаснай тэхнікай некалькімі спосабамі. Гэта перш за ўсё вытворчасць прынцыпова новых узораў. Мы зыходна закладваем такія характарыстыкі, якія былі б актуальны не толькі зараз, але і праз 5-10 год. Праграмнае забеспячэнне доя іх здольнае карэктавацца. Нашы прадпрыемствы абаронна-прамысловага комплексу асвоілі і серыйна выпускаюць узоры ўсіх родаў сувязі - радыёрэлейнай, трапасфернай, правадной, спадарожнікавай. Сёння падраздзяленні здольныя самі мадэрнізаваць тэхніку, замяняючы аналагавае абсталяванне. У нас няма воінскіх часцей, дзе б не было асучасненай апаратуры.

Валяр'ян ШКЛЕННІК

Выбар рэдакцыі

Грамадства

Што паглядзець у Хоцімску?

Што паглядзець у Хоцімску?

У Хоцімску нават ёсць кола агляду.

Грамадства

«За больш чым сем год былі ўсяго адны суткі без баявога выезду»

«За больш чым сем год былі ўсяго адны суткі без баявога выезду»

Гісторыя кар'еры падпалкоўніка ў адстаўцы Генадзя Цімахоўцава.

Палітыка

Беларусь і ЕС падпішуць візавае пагадненне не пазней за 2 лютага 2020 года

Беларусь і ЕС падпішуць візавае пагадненне не пазней за 2 лютага 2020 года

Верагодна, гэта адбудзецца ўжо ў гэтым лістападзе. 

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад.