Вы тут

Карціна Міхаіла Кікоіна папоўніла калекцыю Нацыянальнага мастацкага музея


Намаганнямі пасольства Беларусі ў Швейцарыі карціна Міхаіла Кікоіна папоўніла калекцыю Нацыянальнага мастацкага музея

«Нацюрморт» — першы твор ураджэнца Гомельшчыны, прадстаўніка Парыжскай школы, сярод экспанатаў галоўнага мастацкага музея Беларусі. Вяртанне спадчыны, рэактуалізацыя імёнаў мастакоў ХХ стагоддзя — сёння адна з задач гэтай установы культуры.


— «Нацюрморт» працягвае слынную традыцыю вяртання пры падтрымцы нашых дыпламатаў у культурны кантэкст Беларусі імёнаў выдатных суайчыннікаў, якія апынуліся ў замежжы. Дзякуючы падтрымцы такіх сяброў Беларусі, як ганаровы консул нашай краіны ў Лазане Андрэй Нажэскін, адбываецца сённяшняя падзея, — сказаў намеснік міністра замежных спраў Беларусі Алег КРАЎЧАНКА. — Хачу, безумоўна, адзначыць актыўную работу беларускага пасольства ў Швейцарыі, а таксама падзякаваць Нацыянальнаму мастацкаму музею Беларусі за ўзорнае супрацоўніцтва.

Апошнім часам нашы дыпламаты ў замежных краінах плённа працуюць па знаходжанні беларускай спадчыны.

— Справа вяртання нацыянальнай культуры мне бачыцца як нацыянальны праект, — адзначыў Павел МАЦУКЕВІЧ, часовы павераны ў справах Рэспублікі Беларусь у Швейцарскай Канфедэрацыі.

Творы Міхаіла Кікоіна знаходзяцца ў прыватных зборах і музеях Францыі, ЗША, Японіі і іншых краін свету. У Беларусі пяць яго палотнаў прадстаўлены ў карпаратыўнай калекцыі «Белгазпрамбанка» і ўключаны ў Дзяржаўны спіс гісторыка-культурных каштоўнасцяў нашай краіны.

У цырымоніі перадачы ўдзельнічалі прадстаўнікі з Федэральнага дэпартамента замежных спраў Швейцарыі і кіраўнік дэлегацыі, намеснік дзяржаўнага сакратара Крысціна Марці Ланг. Швейцарскія дыпламаты завіталі ў Мінск з нагоды чарговага раўнда палітычных кансультацый у МЗС. У той жа дзень Алег Краўчанка і Крысціна Марці Ланг прынялі ўдзел у сумесным мерапрыемстве з Еўрапейскім інстытутам міру па тэматыцы медыяцыі і прэвентыўнай дыпламатыі.

Марыя ДАДАЛКА

Фота Андрэя САЗОНАВА

Выбар рэдакцыі

Грамадства

Аповед жанчыны, якая здолела вярнуць дачку з сацыяльнага прытулку

Аповед жанчыны, якая здолела вярнуць дачку з сацыяльнага прытулку

Жанчыну, якая здолела не толькі вярнуць дзіця з прытулку, але і далей выхоўвае яго, знайсці аказалася не проста. 

Грамадства

Чаму зараз варта далей трымацца ад вадаёмаў?

Чаму зараз варта далей трымацца ад вадаёмаў?

Люты больш нагадвае пазачарговы вясновы месяц.

Грамадства

Капыльскі раён. Мінулы год можна назваць стабільным

Капыльскі раён. Мінулы год можна назваць стабільным

Чым Капыльскі раён жыве сёння і якія планы на перспектыву?

Грамадства

Якую літаратуру здаюць у букіністычныя крамы?

Якую літаратуру здаюць у букіністычныя крамы?

Калі звычайныя кнігарні працуюць па формуле «кніга — чалавек», то букіністычныя трымаюцца на прынцыпе «людзі — кнігі — людзі».