Вы тут

Савет Рэспублікі ўхваліў бюджэтны пакет на 2019 год


Дакументы сенатары разглядалі 20 снежня на заключным пасяджэнні пятай сесіі.


- Мы сёння прынялі галоўны закон не толькі сесіі, але і года. Гэта бюджэт на наступны год. У ім надзеі выбаршчыкаў, у ім абавязкі ўрада перад нашымі жыхарамі. Бюджэт сбалансаваны, прафіцытны, транспарэнтны і сацыяльна накіраваны, — адзначыў старшныя Пастаяннай камісіі Савета Рэспублікі па эканоміцы, бюджэце і фінансах Уладзімір ПАНЦЮХОЎ.

Кажучы пра Падаткавы кодэкс, сенатар адзначыў, што спачатку ён быў дакументам супярэчнасцей, але потым усе рознагалоссі, якія узнікалі ў  бізнес-суполак, парламентарыяў, ураду, Адміністрацыі Прэзідэнта былі знятыя. Падаткавы кодэкс, на яго думку, зразумелы, празрысты і просты.  Па словах міністра фінансаў Максіма Ермаловіча, вялікую справу па падрыхтоўцы новай рэдакцыі Падаткавага кодэкса выканаў  і Савет Рэспублікі, адной з працоўных груп кіраваў Міхаіл Мясніковіч.

Паводле слоў міністра фінансаў Максіма Ермаловіча, прафіціт бюджэта павінен скласці прыкладна менш 2% ад ВУП. На сёння міністэрствам фінансаў падрыхтаваны праект Указу Прэзідэнта па ўдакладненню паказчыкаў бюджэта 2018 года. “Мы чакаем, што частка прафіцыту будзе накіравана на рашэнне тых задач, якія ўзнікалі на працягу года і на пагашэнне даўгавых абавязкаў з апярэджаннем графіка”, — удакладніў ён. 

Міністр праінфармаваў таксама, што тарыфная стаўка першага разраду ў наступным годзе будзе павышана на 5,5%. Пры гэтым дадатковыя меры будуць рэалізаваны ў адносінах да нізкааплочваемых катэгорый насельніцтва для павышэння іх заробкаў.

Марыя ДАДАЛКА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».