Вы тут

Выдавецтва «Маладая гвардыя» падпіша дамоўленасць з «Белкнігай»


Найстарэйшае на постсавецкай прасторы расійскае выдавецтва, якое праз некалькі год адзначыць векавы юбілей, плануе заключыць прамую дамову з ААТ «Белкніга», што дазволіць прадаваць свае кнігі ў Беларусі без пасрэднікаў і знізіць канчатковы кошт.


«Мы спадзяёмся, што заключэнне дамовы дазволіць беларускім чытачам набываць кнігі па прымальнай, адэкватнай цане – меркавана яна зменшыцца ўдвая», – адзначае выканаўчы дырэктар выдавецтва «Маладая гвардыя» Раман Касыгін.

Набыць кнігі і атрымаць аўтографы іх аўтараў, дарэчы, можна будзе ўжо ў лютым на Мінскай міжнароднай кніжнай выставе-кірмашы. Выдавецтва плануе прывезці не толькі навінкі і найлепшыя ўзоры з самай вядомай сваёй серыі «Жыццё знакамітых людзей», але і запрасіць на выставу некаторых герояў гэтых кніг, напрыклад, праслаўленага хакеіста, заслужанага майстра спорту СССР Аляксандра Мальцава. Таксама прадставіць ужо другое выданне кнігі «Айцец Іаан (Крэсцьянкін)» наш суайчыннік, беларускі тэле- і радыёвядучы, пісьменнік, гісторык, сцэнарыст і журналіст Вячаслаў Бандарэнка, які супрацоўнічае з выдавецтвам ужо 15 гадоў і выпусціў тут шэраг біяграфічных кніг і зборнікаў пра герояў не так даўно мінулых часоў.

Прадстаўнікі выдавецтва адзначаюць, што вельмі зацікаўленыя ў супрацоўніцтве з беларусамі – прычым не толькі з кнігавыдаўцамі, але перадусім з новымі аўтарамі: прафесійнымі літаратарамі з Саюза пісьменнікаў, журналістамі, гісторыкамі, якія маглі б папоўніць серыю «Жыццё знакамітых людзей» біяграфіямі нашых знакамітых суайчыннікаў – палітыкаў, спартсменаў, дзеячаў культуры, герояў Вялікай Айчыннай вайны і г.д.

Вікторыя ЦЕЛЯШУК

Фота Андрэя САЗОНАВА

Выбар рэдакцыі

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.

У свеце

Як развіваецца глабальнае супрацьстаянне ЗША і Кітая?

Як развіваецца глабальнае супрацьстаянне ЗША і Кітая?

Супярэчнасці ў адносінах паміж Вашынгтонам і Пекінам абвастраюцца, і іх можна смела называць гандлёвай вайной.

Грамадства

Якім павінен быць вучэбны дапаможнік у ХХІ стагоддзі?

Якім павінен быць вучэбны дапаможнік у ХХІ стагоддзі?

З 50 выданняў, якія павінны з'явіцца на школьных партах да 1 верасня, 48 ужо надрукаваныя.

Здароўе

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Экзапратэзаванне арбіты не робіцца больш ні ў адной з краін СНД.