Вы тут

Прэзідэнт падтрымаў кандыдатуру Станіслава Зася на пасаду генсека АДКБ


Кіраўнік дзяржавы Аляксандр Лукашэнка на сустрэчы з дзяржаўным сакратаром Савета бяспекі Беларусі Станіславам Засем абмеркаваў парадак дня работы ў АДКБ. Таксама спадар Зась праінфармаваў Прэзідэнта пра сустрэчы з лідарамі іншых краін-удзельніц арганізацыі.


Кандыдат на пасаду ўжо паспеў сустрэцца з кіраўнікамі Кыргызстана, Казахстана, Таджыкістана і Расіі. Такая форма прызначэння, калі лідарам неабходна ўзгадняць на пасаду дзяржсакратара АДКБ, была прапанавана Александрам Лукашэнкам на сустрэчы ў Санкт-Пецярбургу. 

“Я раней казаў, што быў не адзін кандыдат ад Беларусі. Але я спыніўся на прапанаванні Зася, каб паказаць прыклад, што пара ўжо нам у гэтай арганізацыі перайсці ад нейкага фармальнага назначэння былых, адстаўных генералаў – нічога дрэннага не хачу пра іх сказаць – да дзейных маладых і перспектыўных генералаў, каб надаць значэнне гэтай арганізацыі. Тым больш, што мы назначалі адстаўных генералаў, якія ўжо даўно адышлі ад воінскай службы, ад палітыкі. А ўсё ж такі гэта ваенна-палітычная арганізацыя”, — пракаменціраваў кіраўнік беларускай дзяржавы. Таксама ён дадаў: “Натуральна, гэта адпавядае нашым крытэрыям падрыхтоўкі і назначэння кадраў: прафесіяналізм і любоў да той справы, якой ты будзеш займацца”.

Аляксандр Лукашэнка афіцыйна падтрымаў назначэнне Станіслава Зася, падпісаўшы адпаведны праект рашэння Савета калектыўнай бяспекі АДКБ.

Пасля размовы з Прэіздэнтам Станіслаў Зась адзначыў, што сустрэчы з іншымі кіраўнікамі дзяржаў прайшлі пазітыўна і рэзультатыўна, і асабіста для яго. Ён падтрымлівае практыку, каб чалавек, які прэтэндуе на пост генсакратара ваена-палітычнага блока сустракаўся з усімі прэзідэнтамі, — гэта вельмі карысна. Падчас іх была абмеркавана сітуацыя ў рэгіёнах, дзейнасць устаўных органаў і ў цэлым арганізацыі.

Што датычыцца будучай работы, на сустрэчы з Аляксандрам Лукашэнкам былі выказаны мэтавыя ўстаноўкі, задачы. “Размова ў тым ліку пра больш практычную рэалізацыю неабходных крокаў, якія стаяць перад арганізацыяй. Мы шмат за апошнія гады зрабілі ў плане нарматыўнай базы. Гэта вельмі важна, але час патрабуе канкрэтных практычных крокаў па ўмацаваннi нашай агульнай бяспекі”, — расказаў Станіслаў Зась.

Надзея АНІСОВІЧ

Выбар рэдакцыі

Культура

Дзяніс Раманюк: Я раблю этнаграфію «дваццаць пятым» кадрам

Дзяніс Раманюк: Я раблю этнаграфію «дваццаць пятым» кадрам

Пышныя альбомы, выдадзеныя Дзянісам Раманюком, з задавальненнем трымаюць у хатніх бібліятэках як беларусы, бо адчуваюць гонар за краіну, так і замежнікі, бо невядомую культуру даследуюць праз высакакласны кніжны твор.

Грамадства

Санны рэйд. Як партызаны здзейснілі пераможную аперацыю на Палессі ў 1942-м

Санны рэйд. Як партызаны здзейснілі пераможную аперацыю на Палессі ў 1942-м

Сёлетняя зіма на снег, скажам прама, зусім небагатая. Але ў лютым і сакавіку 1942 года, калі пра глабальнае пацяпленне ніхто і не чуў, снегу было вельмі шмат.

Спорт

Барэц Максім Нягода: Пасля кожнага медаля трэба пачынаць з нуля

Барэц Максім Нягода: Пасля кожнага медаля трэба пачынаць з нуля

Барысаўчанін са шматдзетнай сям'і стаў чэмпіёнам кантынента.

Культура

Хто спявае па-беларуску?

Хто спявае па-беларуску?

Адмысловы плэйліст “Звязды” да Дня роднай мовы.