Вы тут

Студэнты распрацавалі экскурсійны маршрут па ўнутраным дворыку БДУ


Над яго зместам працавалі 11 студэнтаў гістарычнага факультэта ўніверсітэта. На працягу некалькіх месяцаў яны вывучалі архіўныя матэрыялы Музея БДУ. Каштоўнай кыніцай інфармацыі для іх стала таксама кніга “Універсітэтазнаўства” прафесара Алега Яноўскага.


Унікальнасць праекта заключаецца ў камбінацыі традыцыйнага экскурсійнага фармату з ігравымі элементамі квэста. Спачатку гасцям БДУ ў храналагічнай паслядоўнасці раскажуць пра жыццё і дзейнасць выбітных асоб, помнікі і бюсты якім устаноўлены на тэрыторыі дворыку. Наведвальнікі даведваюцца пра гісторыю карпусоў ВНУ ў даваенныя і пасляваенныя гады. Асаблівая ўвага будзе нададзена тэме станаўлення БДУ ў перыяд з 1918 па 1939 гады. А затым экскурсантам трэба будзе вырашыць шэраг галаваломак, звязаных з гісторыяй БДУ і біяграфіяй выбітных асветнікаў. Праводзіць экскурсіі даверана студэнтам-валанцёрам, сябрам “Клуба экскурсаводаў БДУ “IN VIA”. Такая практыка дапаможа ім у далейшым пры атэстацыі гідамі і экскурсаводамі.

Наведаць экскурсію можна бясплатна, папярэдне патэлефанаваўшы на кафедру этналогіі, музеялогіі і гісторыі мастацтваў гістарычнага факультэта па тэл .: (+375) 17 222 35 81.

Надзея НІКАЛАЕВА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».