Вы тут

Прэзідэнт правёў нараду па супрацоўніцтве з Расіяй


Аляксандр Лукашэнка правёў нараду па актуальных пытаннях супрацоўніцтва з Расіяй. Тэмы ўзаемадзеяння абмеркавалі напярэдадні рабочай паездкі ў Крэмль і сустрэчы кіраўніка беларускай дзяржавы з Прэзідэнтам Расіі Уладзімірам Пуціным, якая павінна адбыцца 25 снежня.


«Мы заўсёды падкрэслівалі значнасць гэтага ўзаемадзеяння. Усебаковы характар нашых адносінаў мае сур’ёзнае значэнне не толькі для Беларусі, але таксама і для Расіі. Яны будуюцца на сістэмнай і, самае галоўнае, планавай аснове», — падкрэсліў Аляксандр Лукашэнка. Ён патлумачыў, што ўсе рашэнні прынятыя: і на Вышэйшым дзяржаўным савеце Саюзнай дзяржавы, і на саюзным Саўміне, і ў іншых фарматах.

«На жаль, як я часта кажу, яны не заўсёды выконваюцца, — адзначыў Прэзідэнт. — Дарэчы, паўгады таму на ўзроўні Вышэйшага дзяржаўнага савета былі зацверджаны прыярытэтныя напрамкі і першачарговыя задачы развіцця Саюза на наступныя пяць год. То-бок праграма дзейнічае. Мы доўга да яе рыхтаваліся, вычлянялі кожнае пытанне, узгаднялі і прапісвалі. Усё, на што здольныя мы, і на што была здольная, перш за ўсё, Расійская Федэрацыя. У плане падрыхтоўкі ў той час многія нашы прапановы аб больш цеснай інтэграцыі не былі падтрыманы».

Тым не менш, напрамкі, па якіх прымаліся рашэнні, ахопліваюць найшырэйшы спектр: макраэканоміка, бюджэтная, прамысловая, знешняя палітыка, транспартная прастора, міграцыя, ахова здароўя, культура і іншае. Аляксандр Лукашэнка звяртае ўвагу: «Мы шчыльна наблізіліся да стварэння адзінага паліўна-энергетычнага рынку, ідзём да фарміравання агульнай прававой прасторы Саюзнай дзяржавы». Ён нагадаў, што ў сярэдзіне гэтага года абедзве краіны павінны былі пачаць вырашаць пытанні па цэнах на газ, а таксама па нафце ў сувязі з падатковым манеўрам Расіі. Аднак тэрміны фактычна сарваныя. «І наша частка дэлегацыі заўтра на перамовах з Расіяй, і расійская частка павінны будуць адказаць на гэта пытанне: чаму прынятае двумя прэзідэнтамі рашэнне не было выканана сёлета?» — рэзюмаваў кіраўнік беларускай дзяржавы. Ён заўважыў: «Перамовы будуць няпростымі, вы ўсе гэта выдатна ўяўляеце. Я хацеў б абмеркаваць з вамі, як будзем рухацца далей у рашэнні інтэграцыйных пытанняў, непрыхільна шануючы суверэнітэт дзвюх краін і асабліва выбар нашых народаў – расіян і беларусаў».

Аляксандр Лукашэнка сказаў, што на наступны год цэны на газ урэгуляваныя, хай даражэй, чым у Расіі. «Што датычыцца падатковага манеўра, дакладней цэн на нафту, сітуацыя змянілася тры гады таму. На працягу гэтых трох гадоў з-за падатковага манеўру, як я ўжо казаў, мы згубілі амаль 4,5 мільярда долараў. Мы разумеем, што ў бліжэйшыя гады, прыкладна да 2024 года, – гэта яшчэ каля 10,5 мільярдаў мы панясем стратаў», — прывёў лічбы Прэзідэнт і дадаў, што ўсё гэта адбываецца нягледзячы на абяцанні з боку Расіі аб кампенсацыі страт. «І потым раптам усё спынілася. Я хацеў бы атрымаць адказ на пытанне: чаму спыніліся гэтыя перамовы, калі ўсё, у прынцыпе, было гатовае для прыняцця рашэння нават на саюзным Саўміне ў Брэсце?», — запытаў Прэзідэнт.

Таксама кіраўнік беларускай дзяржавы прапанаваў абмеркаваць перспектывы партнёрства, прэм’ер-міністр Сяргей Румас даклаў пазіцыю ўрада.

Надзея АНІСОВІЧ

Фота БЕЛТА

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.