Вы тут

Чырвоны Крыж запрашае школьнікаў з 6 краін узяць удзел у творчым конкурсе


Працягваецца прыём заявак для ўдзелу ў дзіцячым конкурсе малюнка «Чырвоны Крыж. Я бачу дабро». Конкурс прысвечаны 70-й гадавіне прыняцця Жэнеўскіх Канвенцый 1949 года. Пераможцы атрымаюць дыпломы, падарункі і магчымасць прадставіць свае працы ў Нацыянальным гістарычным музеі Рэспублікі Беларусь.


- У 2019 годзе ўвесь свет адзначае значную дату - 70-годдзе з дня прыняцця Жэнеўскіх Канвенцый, - гаворыць Вольга Мычко, Генеральны сакратар Беларускага Таварыства Чырвонага Крыжа (БТЧК). - Беларускі Чырвоны Крыж удзельнічае ў падрыхтоўцы шэрагу мерапрыемстваў, прысвечаных важнай для грамадства падзеі, сярод якіх і творчы конкурс. Конкурс - для дзяцей, але ён раскрывае не дзіцячыя тэмы, дапамагае распавесці людзям пра каштоўнасці і прынцыпы, выкладзеныя ў Канвенцыі, нагадвае аб гуманнасці і міласэрнасці.

Хто можа ўзяць удзел?

Навучэнцы 1-11 класаў устаноў агульнай сярэдняй адукацыі з Беларусі, Балгарыі, Даніі, Швейцарыі, Польшчы і Украіны. Сярод удзельнікаў вылучаныя дзве ўзроставыя групы: 6-12 гадоў і 13-17 гадоў.

Калі праводзіцца конкурс?

Першы этап - з 17 снежня 2018 па 15 красавіка 2019 года. Другі этап - з 22 красавіка па 31 мая 2019 года.

Для ўдзелу ў першым этапе конкурсу неабходна накіраваць матэрыялы (заяўка і малюнак) да 18 сакавіка 2019 года.

Што зрабіць для ўдзелу?

Падрыхтаваць малюнак, які адпавядае патрабаванням да афармлення конкурснай работы і даслаць заяўку.

Якія патрабаванні да афармлення работы?

  • Малюнкі могуць быць выкананы на любым матэрыяле (ватман, кардон, палатно і г.д.) і выкананыя ў любой тэхніцы малявання (алей, акварэль, туш, каляровыя алоўкі, крэйды і г.д.).
  • Прадстаўленыя на конкурс работы павінны быць у фармаце А2.
  • На адваротным баку малюнка павінны быць указаны: прозвішча і імя аўтара, узрост, месца пражывання, назва школы і клас, у якіх навучаецца аўтар, намінацыя (тэма) работы, прозвішча, імя, імя па бацьку і тэлефон кіраўніка для сувязі.
  • Прадстаўленыя малюнкі павінны быць цэласнымі, без згінаў і пашкоджанняў.
  • Ад аднаго ўдзельніка прымаецца адзін малюнак.

Намінацыі конкурсу:

  • «Чырвоны Крыж у Рэспубліцы Беларусь і свеце»;
  • «Прынцыпы Міжнароднага руху Чырвонага Крыжа і Чырвонага Паўмесяца»;
  • «Гуманнасць у сучасным свеце».

Дадатковую інфармацыю можна адсачыць на афіцыйных сайтах БТЧК, Нацыянальнага гістарычнага музея і Міністэрства адукацыі.

Арганізатарамі конкурсу выступілі Беларускае Таварыства Чырвонага Крыжа пры падтрымцы Місіі Міжнароднага Камітэта Чырвонага Крыжа ў Рэспубліцы Беларусь, Нацыянальны гістарычны музей Рэспублікі Беларусь і Міністэрства адукацыі Рэспублікі Беларусь.

Цырымонія ўзнагароджання і прэзентацыя выставы пройдуць у Нацыянальным гістарычным музеі Рэспублікі Беларусь у Мінску. Дата і час правядзення цырымоніі вызначаюцца арганізатарамі конкурсу.

Дэталёвую інфармацыю пра тое, куды накіроўваць матэрыялы, вы можаце знайсці ў поўнай версіі палажэння аб конкурсе або звязацца з каардынатарам конкурсу: kseniya.viaselskaya@redcross.by.

Выбар рэдакцыі

Грамадства

Так цёпла, як у першым паўгоддзі, бывае адзін раз у 30 год

Так цёпла, як у першым паўгоддзі, бывае адзін раз у 30 год

За апошнія 30 гадоў у нас у краіне ў параўнанні з нормай 1961—1990 гадоў, якая ўжываецца як апорная пры ацэнцы значэнняў змены клімату, пацяплела на 1,3 градуса.

Грамадства

Ці прапаноўвае прыдарожны сэрвіс беларускую кухню?

Ці прапаноўвае прыдарожны сэрвіс беларускую кухню?

Міністэрства транспарту і камунікацый цяпер распрацоўвае генеральную схему развіцця прыдарожнага сэрвісу да 2025 года.

Грамадства

Гісторыя пра тое, як партызаны пайшлі па соль, а выратавалі дзевяць чалавек

Гісторыя пра тое, як партызаны пайшлі па соль, а выратавалі дзевяць чалавек

Гэты аповед даслаў нам у рэдакцыю наш даўні чытач з Вялікай Бераставіцы Міхаіл Маскальчук.

Грамадства

Што паглядзець у Хоцімску?

Што паглядзець у Хоцімску?

У Хоцімску нават ёсць кола агляду.